Charter Document - 01760001
| Charter Number: | 01760001 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Lay |
| Charter Type(s): | Appeal |
| Date: | 1294 |
| Date type: | Assigned |
| Resource Link(s): |
|
Charter:
Galfridus de la Mare petit versus abbatem de Burgo Sancti Petri ballivum constabularii abbatie de Burgo Sancti Petri cum pertinenciis de quo Brianus de la Mare proavus predicti Galfridi cuius heres ipse est fuit seisitus in dominico suo ut de feodo die quo obiit Et unde dicit quod predictus Brianus proavus [] tempore pacis tempore domini Henrici regis patris regis nunc fuit seisitus de predictam ballivum [] in dominico suo ut de feodo scilicet custodiendi homines ipsius abbatis missos in exercitu domini regis tempore guerre [] ut constabularius [] Et assidendi primum ferculum coram abbate loci predicti ad communium installamenti cuiuslibet abbatis [] capiendo inde expletio scilicet prehendi nando in abbathia predicta pro voluntate sua cum tribus a[rmigeris] sex garcionibus quinque equis et j dextario et duobus leporariis ad custus abbatis loci predicti ut in pane vino cervisia carnibus piscibus feno et avena et aliis necessariis Et similiter capiendo per annum de camera ipsius abbatis duas robas [vel] quatuor libras pro robis illis ac eciam percipiendo ad opus suum proprium in eadem abbathia in quolibet installamento cuiuslibet abbatis eiusdem loci omnia utensilia aurea et argentea coram abbate die comuni installamenti sui ad mensam apposita Capiendo eciam pro se et uno milite in exercitu regis ratione constabularii predicte de predicto abbate equos armaturam et alia sibi necessaria dum in servicio ipsius abbatis in exercitu steterit [] ad valenciam [] Et de ipso Briano descendit feodum [] cuidam Galfrido ut filio et heredi et de ipso Galfrido cuidam Briano ut filio et heredi et de ipso Briano qui obiit sine herede de se descendit feodum [] cuidam Petro ut fratri et heredi et de ipso Petro qui obiit sine herede de se cuidam Radulfo ut fratri et heredi et de ipso Radulfo qui obiit sine herede de se cuidam Galfrido ut fratri et heredi et de ipso Galfrido qui obiit sine herede de se cuidam Petro ut fratri et heredi et de ipso Petro isti Galfrido qui nunc petit ut filius et heres et inde producit sectam [] Et abbas per attornatum suum venit et dicit quod non debet ei ad hoc breve respondere Dicit enim quod res incorporee et non tangibiles non sunt de dominico immo tantum de feodo Et ex quo predictus Galfridus petit predictam ballivum versus eum que est res incorporea et non tangibilis asserendo per breve suum predictum antecessorem inde obiisse in dominico [] et supponendo ipsum predictam ballivum habuisse in dominico Et sic ex tenore brevis resultat contrarietas manifesta [] Petit judicium de brevi [] Dies datus est eis de audiendo judicio suo hic in crastino Animarum ut de die in diem [] Et postea ad diem illum venerunt partes [] Et datus est eis ulterius de audiendo judicio suo in octavis sancti Hilarii eo quod non dum judicium []