Charter Document - 01740059
| Charter Number: | 01740059 |
|---|---|
| Cartulary Title: | Chartulary of the Hospital of St. Mary the Virgin [Newcastle] |
| Charter Language: | Latin |
| Charter Origin: | Religious |
| Charter Type(s): | Charter |
| Date: | 1225 |
| Date type: | Internal, A.D. |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Prior Sancti Andree M[atteus] Archidiaconus Clevelandie G[] precentor Eboraci salutem in domino Noverit discrecio vestra quod cum magister et fratres hospitalis Sancti Johannis Jerosolimitani traxissent in causam coram nobis auctoritate apostolica magistrum et fratres hospitalis sancte marie de Novo Castro super quadam terra in Novo Castro tandem partibus in presencia nostra constitutis lis inter eos mota super dicta terra in hunc modum sopita est videlicet quod dicti hospitilarii de Novo Castro dabunt dictis hospitalariis de Jerosolem[] pro expensis suis quindecim solidos Et insuper reddent eis annuatim imperpetuum sex denarios pro jam dicta terra pro omni servicio et exaccione dictis hospitilariis de Jerosolem[] de jam dicta terra pertinente Et in hujus rei testimonium sigilla nostra una cum sigillis partium huic scripto apponi fecimus Et litteras domini pape quarum auctoritate dicta causa coram nobis ventilabatur cancellavimus et eas cancellatas et dampnatas dictis hospitalariis de Novo Castro transmisimus Hec acta sunt in Crastino Animarum Anno gracie Millesimo cc vicesimo quinto
Source (click image below to view full size)
