Charter Document - 01731193

Uniuersis sancte matris ecclesie filijs ad quos presens scriptum peruenerit Henricus de Lascy comes Lincoln constabularius Cestrie dominus de Ros et de Reweynnok salutem in domino Noueritis nos caritatis contemplatione dedisse concessisse et hac presenti carta nostra confirmasse Deo et beate Marie et Abbati et monachis nostris Loci Benedicti de Stanl aduocationem ecclesie de Whalleye illius partis quam prius non habuerant de dono alicuius antecessorum nostrorum et ad quam Petrus de Cestria fuit admissus ad presentationem nobilis viri Johannis de Lascy comitis Lincoln aui nostri Ita quod dicti Abbas et monachi nobis in Cristo carissimi de cetero habeant ius patronatus totius predicte ecclesie de Whalleye et capellarum eiusdem ecclesie cum omnibus pertinentijs integritatibus iuribus et libertatibus ad ipsam pertinentibus quantum pertinet ad laicalem donationem Tenenda de nobis et heredibus nostris sibi et successoribus suis inperpetuum dictam aduocationem siue ius patronatus totius ecclesie de Whalleye cum omnibus prenominatis ad ipsam pertinentibus in puram et perpetuam elemosynam Nichil inde nobis vel heredibus nostris faciendo vel reddendo nisi salutaria suffragia orationum Et nos predictus Henricus et heredes nostri dictis Abbati et monachis nostris et eorum successoribus dictam aduocationem siue ius patronatus totius predicte ecclesie ut prefatum est contra omnes gentes inperpetuum warantizabimus et defendemus Considerantes etiam oculata fide dictis Abbati et monachis nostris nobis in Cristo karissimis graue periculum imminere ex vicinitate maris quod iam terram ipsorum ex una parte monasterium consumpsit et deuastauit et ex alia in proxima est consumpturum adeo quod per ipsius maris nimias et insuetas inundationes diutinam moram ibidem facere non possunt volentesque quod ad honorem Dei et ipsius sanctissimi cultus augmentum tempore nostro predictis Abbati et monachis et eorum successoribus de securitate mansionis prouideatur et status eorum tam in numero personarum quam in sustentationis possessione amplietur volumus quantum in nobis est et pro nobis et heredibus nostris concedimus quod dicti viri religiosi pericula maris fugiendo monasterium suum ab eo loco quo per antecessores nostros fundatum est amoueant et in terra dicte ecclesie de Whalleye ubicunque sibi viderint expedire de nouo construant et edificent Ossa antecessorum nostrorum et aliorum ibidem humatorum per consensum dioecesani episcopi secum transferendo et apud Whalleye honorifice recondendo Quia vero quidam antecessorum nostrorum Johannes de Lascy nomine constab Cestrie primus fundator dicte domus mutato nomine de Stanlawe voluit Locum Benedictum nominari nos predictus Henricus eam transferentes et in loco quieti religiosorum competentiori collocantes volumus quod idem nomen obtineat et Locus Benedictus de Whalleye appelletur Omnesq terras possessiones tenementa iura et libertates pasturas et prata et omnia quecunque dicti Abbas et monachi habent in feodo nostro ex dono siue concessione alicuius antecessorum nostrorum siue ex dono nostro eisdem et successoribus suis inperpetuum possidenda et habenda confirmamus et eisdem iuribz feoffamentis et libertatibus gaudeant apud Whalleye per nos translati quibus gaudere solebant apud Stanl per predictum Johannem de Lascy primo fundati In cuius rei testimonium presenti scripto sigillum nostrum fecimus apponi Actum apud Pontefractum anno gratie mcclxxxiij et anno regni illustris Regis Edwardi filij Regis Henrici xij in die circumcisionis ipso domino Rege consentiente Hijs testibus domino Johanne Bek domino Rogero de Trumpynton domino Willelmo de Vauasor domino Jacobo de Neuille domino Ade de Blakeburn Alexandro de Kyuerdal Henrico de Clayton Willelmo del Hakkyng et alijs