Charter Document - 01730309
| Charter Number: | 01730309 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Religious |
| Charter Type(s): | Approval |
| Date: | 1317 |
| Date type: | Internal, Calendar, Papal |
| Resource Link(s): |
|
Charter:
In Dei nomine Amen Cum dudum nos Walterus permissione diuina Couentr et Lich episcopus archidiaconatum Cestrie in partibus Lancastrie inter aquas de Ribbel et de Mersee nostre diocesis anno domini mccc septimodecimo auctoritate ordinaria visitantes omnes religiosus et alios ecclesias parochiales in eisdem locis in usus proprios obtinentes ad certos dies et loca fecissemus coram nobis iudicialiter euocari ad proponenti et ostendenti pro iure suo quicquid habent super retentione ecclesiarum predictarum Ac religiosi viri Abbas et conuentus de Whalleye dicte nostro diocesis ecclesias parochiales de Eccles Rachedale Whalleye cum capellis et de Blakeburn cum capellis in partibus Lancastrie antedictis appropriatas possidentes ut premittitur coram nobis vocati multa et varia instrumenta siue priuelegia tam super appropriatione dictarum ecclesiarum cum capellis sibi facta quam et super ordinatione vicariarum in dictis ecclesijs in forma iuris exhibuissent coram nobis Nos visis et inspectis exhibitis per eosdem religiosos et diligenter examinatis inuocato Cristi nomine pronunciamus dictos religiosos super retentione ecclesiarum predictarum cum capellis suis ut premittitur sufficionter fore munitos et canonicos possessores ipsosq ut sit munitos ab officio nostro in hac parte dimittimus et absoluimus per decretum Insuper predecessorum nostrorum vestigijs inherentes concessiones appropriationes de dictis ecclesijs cum capellis suis factas Religiosis eisdem quantum ad nos attinet tenore presentium approbamus et confirmamus Potestate ordinandi de quibusdam iuribimus et obuentionibus de quibus inuenimus inter eosdem religiosos et dominum Ric de Swyneflet vicarium ecclesie de Whalleye predicte aliqualem controuersiam fuisse subortam nobis nichilominus reseruata Has autem nostras pronunciationem dimissionem absolutionem et confirmationem per magistrum Nich de Guthmundele clericum nostrum publicum auctoritate sancto Romane ecclesie Notarium scribi volumus et publicari et sigilli nostri nichilominus impressione muniri Acta sunt hec apud Prestecot kaln Julij anno domini prenominato Indictione xv pontificatus sanctissimi patris et domini domini Joh diuina prouidentia pape xxij anno primo In presentia reuerendorum virorum magistrorum Philippi de Turuill Lich et Rob de Weston Landan ecclesiarum canonicorum testium ad hoc specialiter rogatorum et vocatorum Et ego Nich de Guthmundelo clericus Lincoln diocesis publicus sancte Romane ecclesie notarius premissis ut prescribuntur omnibus et singulis presens interfui premissa sic fieri vidi et audiui et in hanc publicam formam redegi Signoq meo solito et consueta signaui rogatus Et dictus pater sigillum suum presenti instrumento fecit appendi ad maiorem huius rei euidentiam et ubiorem cautelam
Source (click image below to view full size)
