Charter Document - 01730182

Nicholaus episcopus seruus seruorum Dei dilectis filijs Abbati et conuentui monasterij Loci benedicti de Stanl Cisterciensis ordinis Couentr et Lich dioecesis salutem et apostolicam benedictionem Ordinis vestri sacra religio sub qua virtutum domino gratum iugiter impenditis famulatum necnon dilecti filij nobilis viri Henricus de Lascy comitis Lincoln qui per vobis deuotas per suas literas nobis supplicationem sibi porrexit consideratio nos inducunt ut votis vestris in hijs fauorabiliter quantum cum Deo Sane possumus annuamus que vobis fore dinoscimus oportuna petitio vestra nobis exhibita continebat quod locus qui dicitur Locus Benedictus de Stanl Couentr et Lichef dioecesis in quo monasterium vestrum situm est per inundationes maris iuxta quod monasterium ipsum consistit adeo concutitur et aquis nimijs irrigatur que interdum in dicti monasterij officinis usque ad trium pedum altitudinem colliguntur quod persone degentes in ipso non possunt ibidem absque graui rerum et corporum periculo remanere Terra quoque siue possessiones dicti monasterij circa illud consistentes occasione dictarum inundationum terre et possessionum superficiem occupantium adeo sunt destructe quod aduenientibus ad monasterium siue recedentibus ab eodem securus transitus patere non potest propter quod verisimiliter formidatur quod prefatum monasterium in loco ipso adversus talem destructionem que sibi ex fluctuationibus dicti maris imminet diu subsistere non valebit Hec igitur venerabilis frater noster Couentr et Lichef episcopus loci Dioecesanus diligenter attendens vobis licentiam auctoritate ordinaria tribuit vos ad alium locum quem dictus Comes vobis opportunum viderit transferendi Idem quoque Comes monasterij predicti patronus cupiens ad locum ubi ecclesia de Whall dioecesis supradicte consistit qui habitationi vestre admodum est accommodus vos transferri ius patronatus et quicquid iuris in ipsa ecclesia obtinebat vobis ea intentione pia et prouida liberalitate concessit quod de prouentibus vobis ratione huius concessionis licite prouenturas viginti monachi ultra monachorum numerum in dicto monasterio solitum obseruari in vestro assumendi collegio congruam sustentationem haberent ad quod prouentus ipsi dicuntur sufficere competenter Et quod ijdem viginti monachi pro nostra et predecessorum et successorum nostrorum dictique Comitis animabus deuotas orationes altissimo effundere tenerentur Bona insuper dicti monasterij fere omnia sicut asseritis prope ecclesiam predictam consistunt Vos autem premissa sollicite attendentes ac per hoc affectantes ad locum predictum ubi ecclesia prefata sita est transire et inibi virtutum domino perpetuum impendere famulatum et in prefato monasterio in quo nunc degitis per quatuor monachos in sacerdotio constitutos continue facere deservivi a nobis suppliciter petijstis ut vobis specialem gratiam facere per quam vestrum in hac parte desiderium valeat adimpleri paterna diligentia digna remus Nos igitur vestris et prefati comitis supplicationibus grato concurrentes assensu predictam ecclesiam cum omnibus capellis iuribus et pertinentijs suis vobis auctoritate apostolica in usus proprios concedimus a vobis vestrisque successoribus in usus ipsos perpetuo retinendi Ita quod cedente vel decedente ipsius ecclesie Rectore possessionem eius apprehendere auctoritate propria valeatis alicuius assensu minime requisito vobisque transferendi vos ad locum predictum in quo ecclesia prefata consistit sine iuris preiudicio alieni ac ibidem sub predicti ordinis obseruantia inperpetuum remanendi eadem auctoritate licentiam elargimur et quod ipsius ecclesie fructus redditus et prouentus in usus possitis conuertere supradictos reseruata tamen ex eis vicario perpetuo in eadem ecclesia seruituro et ad presentationem vestram per eundem dioecesanum in ipsa ecclesia instituendo congrua portione ex qua commode sustentari valeat iura episcopalia soluere et alia incumbentis ipsius ecclesie onera supportare Nulli vero [] Data Reate x kalendas Augusti pontificatus nostri anno secundo videlicet anno domini MCCLXXXIX