Charter Document - 01730078
| Charter Number: | 01730078 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1238 |
| Date type: | Internal, Calendar, Episcopal |
| Resource Link(s): |
|
Charter:
Uniuersis Cristi fidelibus has literas inspecturis Alex[ander] permissione diuina Couentr[ensis] et Lichef[eldensis] ecclesiarum minister humilis eternam in domino salutem Ad uniuersitatis vestre notitiam volumus peruenire quod nos attendentes honestatem et religionem dilectorum in Cristo filiorum Abbatis et conuentus Loci Benedicti de Stanl[awe] de assensu et voluntate dilecti nobis in Cristo filij nobilis viri Joh[annis] de Lascy comitis Lincolnie et constab[ularii] Cestrie medietatem ecclesie de Blakeburn cum capellis de Walton et de Samlesbury et cum portione quam habet dicta medietas ecclesie de Blakeburn in ecclesia de Whall[eye] et earum pertinentijs pietatis intuitu eisdem in proprios usus possidendam concessimus Saluo nobis et successoribus nostris iure pontificali et saluis Couentr[ensis] et Lichef[eldensis] ecclesiarum auctoritatibus In huius rei testimonium presentem paginam sigilli nostri munimine duximus roborand[a] Dat[um] apud Teruen septimo Id[us] Julij pontificatus nostri anno quinto decimo
Source (click image below to view full size)
