Charter Document - 01730061
| Charter Number: | 01730061 |
|---|---|
| Cartulary Title: | The Coucher Book or Chartulary of Whalley Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, Feast, Regnal |
| Resource Link(s): |
|
Charter:
UNIUERSIS ad quos presens scriptum peruenerit Robertus Gredeley dominus de Mamecester salutem in domino Noueritis me caritatis intuitu et pro salute anime mee et omnium antecessorum et successorum meorum concessisse et hac presenti carta mea confirmasse Deo et beate Marie et Abbati et monachis Loci Benedicti de Stanlawe et capelle eorum de Saynte mariden totam terram iuxta eandem capellam cum pertinentijs et libertatibus suis quam T[] de Perpount eis dedit in puram et perpetuam elemosynam infra has diuisas scil[icet] a cymiterio dicte capelle [] ut in carta prox[ima] precedente usq[ue] ad illud verbum sequendo sepem usq[ue] ad cymiterium sicut carta protestatur quam dicti Abbas et conuentus de dicto Thoma habent Ita quod nec ego nec aliquis heredum meorum aliquid de dicta terra exigere vel vendicare possimus imperpetuum nisi preces et orationes Sed sit libera et quieta ab omni exactione mei et heredum meorum sicut aliqua elemosyna vel terra ecclesie liberius et quietius obtinetur In cuius rei testimonium presenti scripto sigillum meum apposui Hijs testibus domino Joh[anne] de Biron Henr[ico] de Trafford Ric[ardo] de Moston Rogero de Penhulb[] Dauid de Hulton Rob[erto] de Schoreswrd[] Will[elm]o de Radeclif et alijs Acc[] apud Mamecestr[] die Sancti Bonifacij anno regni regis Edw[ardi] fil[ii] H[enrici] regis quarto
Source (click image below to view full size)
