Charter Document - 01670088

Omnibus hoc presens scriptum [] Willelmus de Ferariis comes Derb salutem Noverit universitas vestra me concessisse Willelmo filio Walteri de Rydeware quod ipse et heredes sui et homines eorum de Rydeware habeant imperpetuum communiam pasture in herbagio in foresta in Nedwode per has metas scilicet a partibus dicte foreste versus Rydeware usque in Swereburne Et sic de Swereburne usque Blakeputtesforde et sic ab inde per terram que fuit Bartholomei de Audewynele usque ad paliciam parci de Rughele cum omnibus averiis suis exceptis porcis et capris cum sufficiente introitu et exitu ad eandem pasturam Concessi etiam eidem Willelmo et heredibus suis quietanciam pannagii ad quatraginta porcos infra easdem metas cum eorum procursu sine occasione Ita quod liceat mihi et heredibus meis assartare et comodum nostrum facere pro voluntate nostra infra predictas metas sine aliqua perturbacione clameo vel contradictione predicti Willelmi et hominum suorum tam liberorum quam aliorum et heredum eorum Dum tamen satisfaciemus predicto Willelmo et suis ut predictum est ad valenciam tante pasture ultra metas predictas in foresta predicta prout propinquius et magis ad aysiamentum predicti Willelmi et suorum poterit provideri salvo tamen mihi et heredibus meis uno manso infra predictas metas competente ubi edifficium nostrum pro voluntate nostra poterimus edifficare extra clausum parci nostri Et sciendum est quod predictus Willelmus et heredes sui facient et sustinebunt paliciam vel racionabilem hayam parci mei de Rugehele ad feras bestias retinendas per has metas scilicet de Wetenetstalles usque ad ductum qui venit de vivario de Rughele per septies viginti et octo perticatas Preterea concessi et quietum clamavi [] eidem Willelmo et heredibus suis totum jus [] in tota illa placia terre et bossci que vocatur Aysemore extra parcum nostrum de Rughele unde perambulacio fieri debeat per breve Domini Regis inter ipsum Willelmum et me scilicet de Thevenechered usque le Rededych Pro predictis autem communia pasture quietancia pannagii et quietaclamacione predictus Willelmus de Rydeware et heredes sui reddent mihi et heredibus meis per annum viginti solidos sterlingorum ad duos terminos [] Ita tamen quod vero predictus Willelmus nec heredes sui neque homines eorum infra manerium de Joxale seu infra forestam de Nedwod aliquod vel clameum plus habere vel exigere poterunt in aliquibus aliis communiis libertatibus vel aysiamentis quam quod tenor istius scripti proportat omnibus assartis purpresturis clausis ante diem concessionis factis in illo statu quo eo tempore fuerunt remanentibus sine aliqua contradictione clamio vel impedimento predicti Willelmi et heredum suorum et hominum suorum predictorum imperpetuum Hiis testibus Dominis Matheo de Haverseoghe Hugone de Mednyl Thoma de Ednesovere Radulfo de Grendone Nicholao Meverel Pagano de Sancto Philberto Nigello de Langefford Petro de Bakepuz Roberto de Piru Ricardo de Mortuo Mari Roberto de Mercintone Roberto de Strettone Radulfo de la Bache et aliis Dat apud Tuttebure in septimana pasche anno r[egni] r[egis] Henrici filii Johannis tricesimo septimo