Charter Document - 01670017

Pus apres vint Will Geun seygnur de le Netheretoun e Will le sage soun fiz donerunt al hermite e a soun frere deus verges de lour tere a le Nethertoun pur une place de lour bois en Hamstal dount il poeit sus edifier e meindre Eissi vint le Seygnur del Nethertoun a Hamstal Rideware Dunke Will Genn morut e Will le sage soun fiz fut soun heir e fut senescal le Counte de Ferers e graunt seygnur e fu mout ennoye e greve qe le priour de Lappele avoit tere e gens menauns en le Nethertoun entre ces gens e deneya a gens le priour pasture e totes maners des esemens qil dussent aver en le Nethertoun a lour bestes si qil feseyent le priur a saver Le priour vint a Will le Sage e prist un jour de amour e defenderunt en un certeyn forme cum vus orret Le priour dona ces gens e tote la tere qil avoit en le Netheretoun a Will le sage senescal le Counte e a ces heyres e abanndona la mesoun de Lappele ove totes les ofiicis a Will le Sage e a ces heyres qil vendreyent oveke lour meyne kaunt lour plust la veyle de Noel a Lappeleye a manger e retenereynt touz les offices de la mesun cum seygnur e demurreyt la trois jours William le sage de sa cham bre a la mesoun de Lappeleye sinckes souz e quatre deners