Charter Document - 01670016

Ili avoit on homme qe fu apele Asser Geun qe fu seygnour de le Neperton e teint nef verge de tere del honour de Wicchenore e avoit dens fiz le eyne aviort a nom Roger Genn et le puzne Willam geun Asser Genn lour pere morut Roger soun fiz eyne avoit sa terre en le Nepertoun meme ce Roger viut dela la mer a un abbeye qest apele Seyn Remy e la enmaladi e fit soun testament e devisa a la mesun deus verges de tere a le Nepertoun pur Deu e pur s almee morut vindrount les noveles en Engelterre Willam soun pune frere prit la sesine del Nepertoun vint le priur de Lappeleye e prit sesine de les deus verges de tere en le Neretoun par le devis qe fu fet a lour chef mesoun Dencapres Will geun avoit un fiz qe fut appele Willam le Sage e Will senescal a cel oure ili avoit un hermite e soun frere menanut en un bois qe fut appele Hamsial e teindrount cel bois e lour mansioun del Counte de Cestre rendaunt certeyn chose e uncore funt tons les seynurages