Charter Document - 01651124
| Charter Number: | 01651124 |
|---|---|
| Cartulary Title: | Chartulary of the Austin Priory of Trentham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D. |
| Resource Link(s): |
Reference Document for this Embedded Document British History Online |
Charter:
universis Christi fidelibus presentes literas visuris vel audituris Frater Johannes Prior de Trentham et ejusdem loci conventus humilis salutem in domino dilecti nobis in Christo Ade de Chetwynd devotis precibus inclinati quantum in nobis est divine caritatis intuitu concessimus ut possit in manerio suo de Hortwell quandam capellam erigere cum campanili in qua ipse et successores sui cum familia sua valeant audire divina Ita tamen quod in nullo per ipsum et per predictos successores suos matri ecclesie de Trentham occasione dicte cantarie habende prejudicium generetur Preterea sacerdos quicunque pro tempore in eadem capella fuerit divina celebraturus singulis annis prestabit juramentum in capitulo de Trentham quod matricem ecclesiam ejusdem loci in nullo defraudabit nec in decimis nec in oblationibus nec in aliis proventibus quibuscunque In cujus rei testimonium sigillum nostrum commune presentibus est appensum Datum apud Trentham in vigilia Sancti Jacobi apostoli anno domini mcc octagesimo secundo
Source (click image below to view full size)
