Charter Document - 01651006

Alexander episcopus servus servorum Dei dilectis filiis Johanni priori ecclesie Beate Marie et omnium sanctorum de Trentham ejusque fratribus tam presentibus quam futuris regularem vitam professis in perpetuum sicut injusta petentibus nullus est tribuendus assensus ita justa postulantibus nulla est deneganda peticio ea propter dilecti in Domino filii vestris justis postulationibus clementer annuimus et prefatam ecclesiam in qua divino mancipati estis obsequio sub beati Petri et nostra protectione suscipimus et presentis scripti privilegio communimus In primis siquidem statuentes ut ordo canonicus qui in vestra ecclesia secundum Dei timorem et beati Augustini regulam noscitur institutus perpetuis idem temporibus inviolabiliter observetur preterea quascunque possessiones quecunque bona eadem ecclesia in presentia juste et canonice possidet aut in futurum concessione pontificum largitione regum vel principum oblacione fidelium seu aliis justis modis Deo propicio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Trentham cum omnibus pertinenciis suis scilicet Berlaston Betteleya dimidium Baltredeleye quidam viculus Novi Castelli qui est de territorio parochie de Trentham centum solidatas terre in eadem parochia quas Henricus Rex Anglorum eidem ecclesie dedit ad institutionem ordinis et scriptam paginam confirmavit heremitorium fontis de Dunstal cum terra quam Walterus heremita elaboravit tres carucates terre in Sutton quas comitissa Gundrida assensu Willielmi filii sui comitis de Warewye ecclesie vestre concessit de feodo comitis Cestrie unam carucatam terre in Gaddisby ex concessione Lincolniensis episcopi eciam de Barkeby ex dono Maynard quandam bovatam terre in Honus Ex dono Roberti puer sex bovatas terre de dominio suo in Barkeby sane novalium vestrorum que propriis manibus aut sumptibus colitis sive de nutrimentis vestrorum animalium nullus a vobis decimas presumat exigere statuimus insuper ut nulli episcoporum vel ministris eorum indebitas aut injustas exactiones in ecclesiis aut terris vestris liceat exercere Crisma vero oleum sanctum consecrationes altarium seu basilicarum ordinationes clericorum qui ad sacros ordines fuerint promonend a dioecesano suscipietis episcopo si quidem catholicus fuerit et ea gratis et absque pravitate vobis voluerit exhibere alioque liceat vobis catholicum quem malueritis adire antistitem qui nimirum nostra fultus auctoritate quod postulatur indulgeat Preterea quum commune interdictum terre fuerit liceat vobis in ecclesia vestra exclusis excommunicatis et interdictis non pulsatis tintinnabulis suppressa voce divina officia celebrare sepulturam quoque illius loci liberam esse concedimus ut eorum devocioni et extreme voluntati qui se illic sepeliri deliberaverunt nisi forte excommunicati vel interdicti sint nullus obsistat salva cum justicia matricis ecclesie Obeunte te vero nunc ejusdem loci priore vel tuorum quolibet successorum nullus ibidem qualibet surreptionis astucia seu violencia preponatur nisi quem fratres communi consensu vel fratrum pars consilii sanioris per Dei timorem et beati Augustini regulam providerint eligendum P[r]ohibemus ut nulli fratrum vestrorum post factam in eodem loco professionem absque prioris sui licentia de claustro decedere decedentem vero absque communi literarum caucione nullus audeat retinere Decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu quibuscunque vexationibus fatigare sed illabata omnia et integriter conserventur eorum pro quorum gubernatione ac sustentacione concessa su[n]t usibus omnimodis profutura salva sedis Apostolice auctoritate et dioecesani episcopi canonica justicia Si qua igitur in futurum ecclesiastica secularis vel persona hanc nostre constitutionis paginam sciens contra eam temere venire temptaverit secundo tertiove commonita nisi presumptionem suam satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore Dei et Domini nostri Jesu Christi aliena fiat atque in extremo examine districto ultori subjaceat Cunctis autem eidem ecclesie sua jura servantibus sit pax Domini nostri Jesu Christi eterna et hic fructum bone accionis percipiant et apud districtum judicem premia eterne pacis inveniant Amen Dat Turon per manu Hermanni Sancte Rome ecclesie subdiaconi et notarii iv idus Octobris indictione Christiana incarnacionis dominice anno MCLXII pontificatus vero domini Alexandri pape tertii anno iiii