Charter Document - 01650126
| Charter Number: | 01650126 |
|---|---|
| Cartulary Title: | Chartulary of the Austin Priory of Trentham |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1181 - 1232 |
| Date type: | Assigned |
| Resource Link(s): |
British History Online |
Charter:
Omnibus Sancte matris ecclesie filiis presentibus et futuris presentem cartam inspecturis vel audituris Ranulphus comes Cestrie salutem Noverit universitas vestra me pro anima Comitis Hugonis patris mei et pro salute anime mee et antecessorum meorum et successorum remisisse et in perpetuum quiete clamasse de me et de heredibus meis Deo et Beate Marie et domui de Trentham et canonicis ibidem Deo servientibus in puram et perpetuam elemosinam servicium unius peditis quod in exercitu facere debuerunt pro terra sua de Wal et ut hec mea concessio et quieta clamatio perpetue firmitatis robur obtineat eam presenti scripto et sigillo meo confirmavi His testibus Philippo de Orreby tunc justiciario Cestrie Rogero de Montalto tunc dapifero meo Henrico de Aldideley Petro clerico meo Hugone et Thoma et Henrico dispensar Waltero de Damvill Alfredo de Suleney Warino de Vernun W de Venabul Hamone de Masci Normanno Panton Ricardo Phitton Roberto de Cowdray Roberto de Hardreshull Roberto de Say Roberto de Damvill Hugone et Galfrido de Dutton Jorcamb de Hellesb Ricardo de Kingeslee et multis aliis
Source (click image below to view full size)
