Charter Document - 01650107

Omnibus [] Johannes Saule et Rogerus de Verney Sal in Domino Noveritis nos vice domini Hugonia de Mortuo Mari vice comitis Salop et Stafford ad mandatum Domini Regis liberasse et dedisse Fratri Johanni Priori de Trentham et ejusdem loci conventui novies viginti acras unam et dimidiam terre prati bosci et Wasti cum pertinenciis per perticam XXIV pedum mensuratas in villa de Clayton Griffyn in comitatu Stafford cum quadam placea extra curiam Galfridi Griffyn cum quodam pomerio et quadam grangia infra eadem placeam constructa videlicit omnes terras [] quas dictus Galfridus in dicta villa de Clayton habuit die dicte liberationis seu tradicionis preter capitale messuagium cum gardinis curia et domibus infra eandem curiam constructis et preter quatuor acras in quodam assarto versus Kel et preter omnes terras et tenementa [] que Aubrea mater dicti Galfridi dicto die nomine dotis in dicta villa tenuit Pro extenta manerii de Elkesdon quod quidem manerium extendebat ad novem libras XIV solidos et sex denarios annuatim Cujus extente valorem dictus Prior versus dictum Galfridum Griffyn quem in warranto vocavit coram dominis Radulpho de Hengham H de Montfort W de Hoptun et Th Trenet justiciaribus itenerantibus apud Lychfeld in dicta villa de Cleyton recuperavit Et Sciend est quod extenta de Cleyton minor est quam extenta de Elkesdon de IV S annuis quos Prior de Trentham dominis de Keblesdon pro manerio de Elkesdon solvere solebat Prior de Trentham et successores sui predictas terras de Cleyton cum pertinenciis firme solucione in liberam puram et perpetuam elemosinam in perpetuum tenebunt Et in hujus rei [] Hiis Testibus Rogero de Pipa Willielmo Camerario tunc constabulario de Eccleshall Henrico de Emkerdon Ada de Lavenden Ada de Swyneshed Roberto de Joneston Thoma Carpent de Cherletou Gervies de Levedale Roberto de Witemore