Charter Document - 01650089

Subscriptam transaccionem super controversia diu habita inter Priorem et canonicos de Trentham et Robertum de Costentin super capellis Novi castelli et Witemor presentis pagine continencia manifestat Videlicet quod prenominatus Robertus aparuit in presentia domini Archiepiscopi Cantuariensis conquerens super injuria a prenominatis canonicis sibi illata postulans a domino Archiepiscopo secundum juris normam sibi satisfieri et qui [a] ipse non potuit interesse constituit quendam procuratorem videlicet Vivianum de Stoch decisorem totius litis et misit eum in manum domini Archiepiscopi ratum habiturus quicquid Vivianus inde finiret Quod idem Vivianus literis et scripto domini Archiepiscopi insuper et viva voce episcopi Coventrensis constare fecit Ea propter convenerunt canonici et predictus Vivianus in presentia episcopi Coventrensis in pleno sinodo et in hoc modo composuerunt Quod prenominatus Prior et canonici concesserunt capellam de Witemore Viviano tota vita sua tenendam singulis annis reddendo unum talentum auri vel duos solidos matrici ecclesie Insuper prenominata ecclesia retinet sepulturam et caritatem panis cum Oblacione et denarios Sancti Petri et cetera episcopalia Prima testamenta mortuorum et cetere omnes obvenciones remanent Viviano cum capella E converso Vivianus pro Roberto et pro se quietam penitus clamat capellam Novi Castelli tali tenore quod si predictus Robertus de Costentin aliquando inceperit redivivam Litem contra hanc composicionem tam solemniter terminatam et Vivianus dictas capellas canonicis contra Robertum de Costentin guarentizare nequiverit inprimis Vivianus reddet capellam Witemore penitus absolutam canonicis et pro pena X marcas et cum canonicis stabit contra prenominatum Robertum et pro hac concessione sepe dictus Vivianus ecclesie de Trentham clericus effectus fidem se laturum matrici ecclesie tactis sacris affirmavit et cartam quam Robertus de Costentin habuit de canonicis de predictis capellis reddet pro posse suo fideli canonicis de Trentham et ad expensas eorundem ibit et stabit cum illis in negociis suis et fidele consilii juvamen prestabit ubi per illum promoveri sperabunt et item Vicarius qui ministrabit in capella de Witemore per supranominatum Vivianum presentabitur Priori et canonicis et cautionem dabit de presentis scripti pacto tenendo sine dolo matrici ecclesie Histi sunt testes et fide jussores de X marcis Alanus Archidiaconus de iii marcis Robertus decanus de ii marcis Johannes de Colwich de ii marcis Robertus de Diftune de i marce Henricus de Nortuna de i marca