Charter Document - 01650088
| Charter Number: | 01650088 |
|---|---|
| Cartulary Title: | Chartulary of the Austin Priory of Trentham |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1139 - 1145 |
| Date type: | Assigned |
| Resource Link(s): |
British History Online |
Charter:
Omnibus sancte matris ecclesie filiis Rogerus Dei gratia Cestrensis Episcopus salutem in domino universitati vestre constare volumus nos in personasse Johannem capellanum in ecclesiam de Trentham et in omnibus pertinentiis suis et nominatim in Berliston que est de jure ecclesie de Trentham et hoc tam largitione quam presentacione venerabilis Domine nostre Matilde filie Regis bone memorie Henrici in plena sinodo Lichfeldie post Pentecosten anno quo aplicuit prenominata domina ad castrum Arundel de quo tam prudenter quam sapienter venit Bristoliam et evasit de obsidione Regis Stephani presente Ricardo pincerno et concedente qui prenominatam ecclesiam tenuit de Rege Henrico post cujus decessum eandem tenere noluit Ea propter quicquid juris in prenominata habuit huic Johanni in nostra presentia concessit Testibus Roberto Archidiacono Stafford Willielmo de Vileres Archidiacono Cestrie Godfridus Archidiacono Derbie Arnaldo Capellano R decano Willelmo Capellano barba Aprilis Alano decano Derbie et multis aliis
Source (click image below to view full size)
