Charter Document - 01650062

Sciant presentes et futuri quod Ego Willielmus de Beyvil dedi et concessi et hac presenti carta mea confirmavi caritatis intuitu et salute anime mee et omnium antecessorum meorum Deo et ecclesie Sancte Marie et omnium sanctorum de Trentham et canonicis ibidem Deo servientibus totam illam terram in villa de Longeton quam Willielmus Rusul aliquando tenuit et unam dimidiam bovatam terre in eadem villa quam Robertus Norman de me tenuit cum edificiis toftis et croftis [] pertinentibus infra villam de Longeton et extra et unam particulam terre in territorio de Longeton videlicet que vocatur le Ruemor habend [] de me et heredibus meis dictis canonicis et eorum successoribus vel eorum assignatis in puram et perpetuam elemosinam bene [] et sine secta curie mee et cujuslibet curie preterea dedi canonicis homagium et servicium Willielmi de Fenton videlicet de molendino de Longton unum par albarum cirothecarum et de terra que fuit Petri de Kell unum par albarum cirothecarum per annum in perpetuum certos ad terminos dicti Willielmi in cartis statutos et homagium et servicium Ade de Lavenden cum omnibus pertinenciis videlicet reditum quatuor solidorum de una dimidia wara terre in Longeton et quatuor sagittas barbatas de alia dimidia wara terre que de me aliquando in villa de Longeton tenuit per annum ad terminos in cartis dicti Ade statutos quam habet de me et homagium et servicium Gilberti de la Mere cum omnibus pertinenciis scilicet redditus quinque solidorum et quatuor denariorum de quibusdam particulis terre quas particulas dictus Gilbertus aliquando de me tenuit in villa de Longeton scilicet de Kocstall et de aliis particulis et homagium et servicium Thome de la Mere cum omnibus pertinentiis scilicet redditus duodecim denariorum de una particula terre que de me tenuit in villa de Longeton cum homagiis et releviis [] De omnibus predictis liberis que mihi vel heredibus meis evenire potuerint Ita quod dicti liberi tenentes habeant et teneant omnes terras [] in capite de Priore et canonicis de Trentham sicut de me vel de patre meo liberius et melius tenuerunt et ut habeant omnes libertates [] per totum tenementum de Longeton sicut continetur in cartis quas dicti Willielmus de Fenton Ada de Lavenden Gilbertus de la Mere et Thomas de la Mere de me vel de patre meo tenuerunt Concessi etiam dictis Canonicis de Trentham et eorum omnibus hominibus de Longeton tam liberis quam firmariis Housebote and Haybot et rationabilia estuvaria in bosco meo de Longeton in perpetuum Preterea sciendum est quod dicti canonici de Trentham et omnes homines eorum de manerio de Trentham habebunt antiquam communem pasturam per totum tenementum de Longeton in perpetuum Et Ego Willielmus et heredes mei et omnes tenentes de Feudo de Longeton die confectionis carte istius sessati et de tenementis suis saysati eodem modo habebunt antiquam communem pasturam super tenementum de Trentham Si vero Ego Willielmus de Beyvil de cetero vel heredes mei alicui terram vel tenementum vel porcionem terre de tenemento de Longton dederimus vel concesserimus vel ad firmam tradiderimus ipsi tenentes nullo modo a die predicto communem pasturam in tenemento de Trentham habebunt neque ratione castelarie vel jure alicujus immunitatis Predictus vero Willielmus et heredes sui totum tenementum de Longeton plenarie contra dominum regem et contra omnes alios homines in mundo defendent et ad quietabunt tam de firma quam de secta debita Novi Castri Supradicti vero Prior et canonici et eorum liberi tenentes de Longeton et alii tenentes eorum nullo modo de cetero debent implicitari neque attachiari neque amerciari [] Willielmi de Beyvill neque heredum suorum Hiis testibus Hugone de Cha[r]nia tunc constabulario de Novi Castri Willielmo Muriel Johanne le Brit Willielmo de Hanleg Willielmo de Stubbiley Willielmo Griffin de Hanneford Alano Demur Thoma de Burton et toto alimoto de Novi Castri Datum apud castrum Novum subtus limam in plena curia die Jovis proxima post festum Sancti Marci Evangeliste anno gracie MCCL Anno coronacionis Regis Henrici filii Regis Johannis XXXIV