Charter Document - 01650055
| Charter Number: | 01650055 |
|---|---|
| Cartulary Title: | Chartulary of the Austin Priory of Trentham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1162 - 1182 |
| Date type: | Assigned |
| Resource Link(s): |
British History Online |
Charter:
Reverendo Domino Dei gratia Coventrensi Episcopo R necnon et eadem gratia Derbiensi Archidiacono N omnibusque Sancte Matris Ecclesie filiis R de Boschervilla salutem Noscat universitas vestra quod convencio facta inter Priorem et canonicos de Trentham et Henricum clericum de Sutthuna super ecclesia de Sutthune recognita est et concessa ex utraque parte scilicet Prioris et Canonicorum et Henrici clerici prenominati coram me et hominibus meis et Parochianis predicte ecclesie et m[ultis] aliis videlicet quod Prior de Trentham et Canonici totam medietatem Ecclesie de Sutthune in decimis et in omnibus aliis obvencionibus Henrico clerico sepe nominato annuente plenarie recipiunt et deserviunt Insuper nobis et aliis prenominatis videntibus et audientibus sepe dictus Henricus clericus dedit canonicis prenominatis ad incrementum terre sue sex acras terre et unam acram prati Hujus convencionis sum testis una cum ceteris prenominatis et carte mee presentis munimine confirmo totam pactionem super hac re factam videlicet sicut continetur in cirograffo habito inter predictos canonicos et Henricum clericum super hac convencione Quare precor universitatem vestram ut hanc convencionem stare faciatis et protegatis pro amore Dei et salute animarum vestrarum
Source (click image below to view full size)
