Charter Document - 01641189

Omnibus sancte matris ecclesie filiis presens scriptum visuris vel audituris Rogerus p[ermissione] divina Coventrie et Lychfeldie ep[iscop]us salutem in omnium Salvatore Cum secundum apostolum operari debeamus bonum ad omnes et maxime ad eos qui per devota pietatis opera domesticos fidei se esse demonstrant et relictis vagis mundi discursibus sub arce religionis observancia muro se muniunt honestatis per variosque virtutum gradus scandere satagunt ad arcem beatitudinis ex qua dependet omnis armatura fortium et bonorum omnium magnitudo Ut dilecti filii Prior et Conventus Sancti Thome martiris juxta Staffordiam ecclesiam Stowye nostre dioecesis in qua jus obtinent patronatus dispositioni et ordinationi nostre simpliciter et absolute duxerint supponendum ut nobis secundum voluntatis nostre arbitrium liceret disponere de eadem prout in instrumento ipsorum super hoc confecto in hec verba [] Nos cum Capitulis nostris Conventrie et Lychfeldie super hoc tractavimus diligenter et eorum interveniente assensu per literas suas patentes expresso quarum is est tenor [] Attendentes gratia summe devocionis affectum dictorum Prioris et conventus qui elemosinarum largicionibus hospitum receptioni et aliis caritatis operibus ad quorum sustentationem pro multitudine pauperum ac hospitum ibidem confluentium proprie non suppetunt facultates relegata procul avaricia vacent more cotidiano de virtute in virtutem gradientes ut in supradictis operibus hospitum et egenorum necessitatibus pie subveniendo eo liberalius possint intendere quo monasterii sui facultates suscepere incrementa Invocata Episcopi sancti gratia de prefata ecclesia Stowye presenti ordinatione disponentes ipsam ecclesiam predictis Priori et Conventui ac eorum successoribus suo que monasterio ad pauperum et hospitum ibidem declinancium sustentacionem concedimus et appropriamus cedente vel decedente Roberto de Braydeshale ejusdem ecclesie nunc rectore cum omni integritate et pertinenciis suis perpetuis possidendam temporibus et habendam assignantes predictis Priori et Conventui quatuor solidos annuos quo adduxerit dictus Robertus rector eccl[es]ie antedicte de consensu ejusdem rectoris nomine personatus de bonis ipsius ecclesie ab eodem rectore in festo S[an]cti Michaelis Archangeli percipiendos verum quia divinis preceptis et apostolicis monitis incitamur ut pro statu ecclesie nostre Lychfeldie cui licet inmeriti presidemus impigro vigilemus affectu et in hoc officii nostri debitum persolvimus et laudabilem prosequimur actionem si non solum ipsius ecclesie nostre necessitates satagimus levigare verum et ipsius incrementa prospicere ut valemus precipue cum in officiis caritatis illis precipue obnoxii teneamur a quibus beneficia precipua dinoscimur percepisse ordinamus et ordinando statuimus ut de fructibus dicte eccl[es]ie Stowye cum ipsam proximo vacare contigerit dicti Prior et Conventus et eorum successores solvant singulis annis in perpetuum ad augmentacionem communem canonicorum ecclesie Cathedralis Lychfeldie communitur dicte ecclesie qui pro tempore fuerint decem marcas bonorum et legalium sterlingorum in Octabis S[an]cti Mich[aelis] Archangeli pontificali auctoritate statuentes ut prior et conventus eorumque successors dictam ecclesiam Stowye cum pertinenciis suis in quibuscumque consistant ex hac ordinacione nostra et concessione futuris et perpetuis temporibus pacifice ut supra tactum est et inconcusse possideant Reservata nobis et successoribus nostris potestate taxandis vicariam competentem in ecclesia antedicta ad quam dicti Prior et Conventus ac eorum successores quotiescumque vacaverit nobis et successoribus nostris personam ideoneam presentabunt qui onus procuracionum et alia onera ordinaria ad nos vel successores nostros seu locorum Archidiaconos qualitercumque spectancia in perpetuum sustinebit salvis in omnibus jure et auctoritate pontificali nostra et successorum nostrorum ac ecclesiarum nostrarum Conventrie et Lychfeldie dignitate In cujus rei testimonium fidem et evidenciam pleniorem sigillum nostrum apposuimus huic scripto