Charter Document - 01640178

Sciant [] quod ego Robertus de Ferrariis filius et heres D[omi]ni Will[ielm]i de Ferrariis quondam comitis Derb[ie] dedi et concessi [] in plenaria et legitima potestate mea Deo et glorioso Martyri S[an]cti Thome et Ecclesie sue juxta Stafford et fratribus meis fratri Nicolao Priori et Conventui ejusdem ecclesie pro anima mea et pro animabus antecessorum et successorum meorum adpetentiam dictorum fratrum meorum manerium de Sweneshurst et del Walneys juxta Saltford cum pertinenciis suis et cum molendino super Yrewell sito stagno cursu aque tota secta dicti molendini et villam de Penilton cum omnibus villanis villenagium ipsius ville tenentibus et omnibus catallis et sequelis eorum Tenenda et habenda sibi et successoribus suis libere et quiete bene et in pace in liberam puram et perpetuam elemosynam tam in dominicis quam in homagiis serviciis et consuetudinibus cum bosci planis pratis pascuis pasturis aquis moris mariscis commodis asiamentis et rebus ad predictum manerium [] predicta pertinentibus in omnibus rebus et locis sicut ego vel pater meus liberius et plenius dictum manerium de Sueneshurst et del Walneys cum ceteris predictis tenuimus ita quidem quod dicti Priori et conventus et eorum successores possint sine impedimento mei vel alicujus heredum meorum molendina et stagna construere asservare fossare et undique proficuum suum de predicto manerio cum suis pertinentiis facere sicut ego liberius et plenius possim si dictum manerium retinerem quiete ab omni servitio consuetudine secta curiarum et omnimodis secularibus exactionibus rebus et demandis Nihil mihi seu heredibus meis in predictis inde ulterius retinendo in perpetuum preter orationes predictorum fratrum meorum Dedi etiam eisdem Priori et conventui et eorum successoribus pro me et heredibus meis in liberam puram et perpetuam elemosynam advocationem Eccl[es]ie del Stowe subtus Chartley cum pertinentiis in perpetuum Insuper etiam dedi dictis Priori et Conventui et eorum successoribus Husbote et Haybote ad domos sibi faciendas et reparandas tam in capite quam in grangiis et omnia alia necessaria in libera haya mea de Huttokeshall sine visu Forestariorum et liberam pasturam in predicta haya ad omnimoda averia sua singulis anni temporibus exceptis capris Dedi etiam et concessi predictis Priori et Conventui et eorum successoribus pro me et heredibus meis in liberam puram et perpetuam elemosynam quod iidem omnes porcos suos ex nutrimento illorum provenientes in foresta nostra de Nedwode quandocunque tempore possideant in perpetuum pacifice habeant quietos de pannagio vel in prefata haya de Hutokeshall cum voluerint cum libero et quieto ingressu ad eandem et egressu ab eadem sine aliquo impedimento seu aliqua exactione vel demanda Et ego Robertus et heredes mei predictum manerium cum pertinentiis sicut predictum est et predictam advocationem [] predicta cum pertinentiis dictis Priori et Conventui et eorum successoribus contra omnes gentes warantizabimus acquietabimus et defendemus in perpetuum et ut hec mea donatio concessio et presentis carte mee confirmatio robur firmitatis in perpetuum obtineat presenti scripto sigillum meum apposui Hiis testibus D[omi]no Radulpho Basset Johanne de Soleney Johanne Wauton Thoma de Arderne Galfrido de Chetham militibus Ada de Buri Rogero de Penilbyri Thoma de Prestwyk Rogero de Verney Willielmo de Brokesley Ada de Parco Ricardo de Teneray Radulpho Barri et aliis Datum apud Sanctum Thomam juxta Stafford in crastino Beati Thome Martyris