Charter Document - 01610093
| Charter Number: | 01610093 |
|---|---|
| Cartulary Title: | Llandaff Episcopal Acta 1140-1287 |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1255 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presentes litteras audituris frater Iohannes diuina miseratione Land[auensis] ecclesie minister humilis salutem in domino sempiternam Noueritis quod cum abbatem et conuentum sancti Petri Glouc[estrensis] rectores ecclesie sancti Gundlei de Nouo burgo ex parte una et Andream de Glouc[] capellanum ab eisdem abbate et conuentu ad vicariam dicte ecclesie taxandam presentatum peremptorie citari faceremus quod coram nobis comparerent apud Nouum burgum audituri et recepturi iustam ordinationem et taxationem portionum suarum in dicta ecclesia Ita quod ex tunc sciri posset qui eorum onera dicte ecclesie sustinere deberent et que portio ad rectorium et que ad vicariam pertineret Tandem ipsis coram nobis legitime comparentibus de consensu partium earumdem expresso in hunc modum dictarum portionum separationem et dicte vicarie taxationem ordinauimus videlicet quod dicti abbas et conuentus nomine rectoria perciperent omnes decimas garbarum et feni redditum etiam totum infra burgum et extra Habebunt etiam totam terram totum pratum exceptis duabus acris que ad portionem vicarii pertinebunt et curiam ad dictam ecclesiam pertinentem Vicarius autem nomine vicarie percipiet lac lanam linum agnos oblationes et ceteras omnes minutas decimas et duas acras de prato predicto et totam decimam feni apud Hendervaur Et quia maior portio dicte ecclesie consistit in oblationibus et decimis minoribus vicarius qui pro tempore fuerit annuatim soluet dictis abbati et conuentui incrementum portionis eorum duas marcas ad duos anni terminos videlicet ad Pascha unam marcam et aliam ad festiuitatem beati Michaelis Et idem vicarius omnia onera ordinaria sustinebit et habebit curiam iuxta curiam domini abbatis ex parte australi Nos vero dictam ordinationem seu taxationem ratam habentes eam auctoritate pontificali confirmamus In cuius rei testimonium hoc presens scriptum in modum cyrographi inter eos confectum est cuius una pars sigillo nostro et sigillo dicti vicarii signata residet penes dictos abbatem et conuentum altera uero pars sigillo nostro et sigillo dictorum abbatis et conuentus signata residet penes dictum vicarium Datum apud Glouc[] in vigilia beate Margarete virginis anno domini MCCL quinto
Source (click image below to view full size)
Markups
Names Markup:
Omnibus Christi fidelibus presentes litteras audituris frater Iohannesname diuina miseratione Land[auensis] ecclesie ministername humilis salutem in domino sempiternam Noueritis quod cum abbatemname et conuentum sancti Petri Glouc[estrensis] rectores ecclesie sancti Gundlei de Nouo burgoname ex parte una et Andream de Glouc[] capellanumname ab eisdem abbatename et conuentuname ad vicariam dicte ecclesie taxandam presentatum peremptorie citari faceremus quod coram nobis comparerent apud Nouum burgum audituri et recepturi iustam ordinationem et taxationem portionum suarum in dicta ecclesia Ita quod ex tunc sciri posset qui eorum onera dicte ecclesie sustinere deberent et que portio ad rectorium et que ad vicariam pertineret Tandem ipsis coram nobis legitime comparentibus de consensu partium earumdem expresso in hunc modum dictarum portionum separationem et dicte vicarie taxationem ordinauimus videlicet quod dicti abbasname et conuentusname nomine rectoria perciperent omnes decimas garbarum et feni redditum etiam totum infra burgum et extra Habebunt etiam totam terram totum pratum exceptis duabus acris que ad portionem vicarii pertinebunt et curiam ad dictam ecclesiam pertinentem Vicariusname autem nomine vicarie percipiet lac lanam linum agnos oblationes et ceteras omnes minutas decimas et duas acras de prato predicto et totam decimam feni apud Hendervaur Et quia maior portio dicte ecclesie consistit in oblationibus et decimis minoribus vicariusname qui pro tempore fuerit annuatim soluet dictis abbatiname et conuentuiname incrementum portionis eorum duas marcas ad duos anni terminos videlicet ad Pascha unam marcam et aliam ad festiuitatem beati Michaelis Et idem vicariusname omnia onera ordinaria sustinebit et habebit curiam iuxta curiam domini abbatisname ex parte australi Nos vero dictam ordinationem seu taxationem ratam habentes eam auctoritate pontificali confirmamus In cuius rei testimonium hoc presens scriptum in modum cyrographi inter eos confectum est cuius una pars sigillo nostro et sigillo dicti vicariiname signata residet penes dictos abbatemname et conuentumname altera uero pars sigillo nostro et sigillo dictorum abbatisname et conuentusname signata residet penes dictum vicariumname Datum apud Glouc[] in vigilia beate Margarete virginis anno domini MCCL quintodate