Charter Document - 01601080
| Charter Number: | 01601080 |
|---|---|
| Cartulary Title: | Documents and Extracts Illustrating the History of the Honour of Dunster |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1286 |
| Date type: | Internal, Calendar, Regnal |
| Resource Link(s): |
|
Charter:
Edwardus [] justiciariis de Banco salutem Monstravit nobis dilectus et fidelis noster Johannes de Vescy custos terre et heredis Johannis de Mohun quod cum Ricardus de Wyndesores teneat de ipso herede viginti messuagia duas carucatas terre duodecim acras prati octo acras bosci et medietatem unius molendini cum pertinenciis in Bikenalre immediate per servicium militare Henricus de Wayvile tacita veritate breve nostrum quod dicitur Precipe in Capite spreta curia predicti heredis coram vobis pla citandum versus prefatum Ricardum inde impetravit contra tenorem Magne Carte de libertatibus Anglie in qua continetur quod breve quod vocatur Precipe non fiat alicui de aliquo tenemento unde fiber homo perdat curiam suam Et quia nolumus prefato heredi contra tenorem ejusdem carte in hac parte injuriare vobis mandamus quod si vobis constare poterit predicta mesuagia terram pratum boscum et medietatem predicti molendini cum pertinenciis non de nobis in capite set de prefato herede inmediate teneri ita quod idem heres secundum tenorem carte predicte curiam suam inde habere debeat tunc de cognicione ejusdem loquele de cetero vos non intromittatis set prefato Henrico ex parte nostra dicatis quod breve nostrum patens de Recto prefato custodi dirigendum versus prefatum Ricardum inde impetret si sibi viderit expedire Teste Edmundo comite Cornubie consanguineo nostro apud Westmonasterium xxv die Octobris anno regni nostri quarto decimo