Charter Document - 01600077

Edwardus dei gracia Rex Anglie Dominus Hibernie et Dux Aquitanie dilecto et fideli suo Radulfo de Sandwyco salutem Cum dudum de feodis militum que fuerunt Johannis de Mohun defuncti qui de nobis tenuit in capite et que tempore quo fuistis senescallus noster in comitatibus Somerset et Dorset per preceptum nostrum extendistis Alianore que fuit uxor ipsius Johannis plus in dotem assignaveritis quam ad ipsam inde pertinet habendum pro eo quod per eos per quos extenta ilia facta fuit veritatem inde plene scire non potuistis ut jam intelleximus nos errorem si quis fuerit in assignacione ilia corrigi volentes ut tenemur vobis mandamus quod ad certos diem et locum quos ad hoc provideritis per sacramentum proborum et legalium hominum de comitatibus predictis per quos rei Veritas melius sciri poterit in presencia dilecti clerici nostri magistri Henrici de Bray escaetoris nostri citra Trentam feoda predicta cum majori diligentia et examinacione iterato extendi facias et prefate Alianore racionabilem dotem suam ipsam inde contingentem et dilecto et fideli nostro Johanni de Vescy cui custodiam duarum partium terrarum et tenementorum que fuerunt prefati Johannis una cum omnibus ad custodiam illam pertinentibus concessimus habendam usque ad legitimam etatem heredis ejusdem et duas partes de feodis illis juxta extentam illam prout de jure et secundum legem et consuetudinem regni nostri fuerit faciendum assignetis Mandavimus enim eidem Henrico quod ad certos diem et locum quos ei scire faciatis venire faciat coram vobis tot et tales probos et legales homines de balliva sua per quos rei Veritas in premissis melius sciri poterit et inquiri et quod ad hoc una vobiscum intendat sicut predictum est Teste me ipso apud Bristoll secundo die Januarii anno regni nostri tercio decimo