Charter Document - 01600052
| Charter Number: | 01600052 |
|---|---|
| Cartulary Title: | Documents and Extracts Illustrating the History of the Honour of Dunster |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1238 - 1258 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Mohun filius Reginaldi de Mohun concessi relaxavi quietum clamavi et hac presenti carta mea confirmavi pro me et heredibus meis Lucie Malet Radulfo filio Ursi Hugoni Peverel et Isabelle uxori sue heredibus Radulfi filii Willelmi servicium duorum feodorum militum et dimidii cum pertinenciis de quinque feodis militum et dimidio que predicti de me solebant tenere videlicet in Widecombe Bruneton et Brune uni cuique predictorum Lucie Radulfi Hugonis et Isabelle et eorum heredibus in predictis terris equis porcionibus de omnibus serviciis michi et heredibus meis spectantibus scilicet de releviis et auxiliis michi filiorum nostrorum et maritagii filiarum nostrarum et scutagio cum dominus rex michi et heredibus meis scutagium concedere placuerit salvis michi et heredibus meis districcionibus faciendis cum opus fuerit in predictis Widecombe Bruneton et Brune pro tribus feodis forinsecis que de nobis tenent Pro hac autem concessione relaxacione quieta clamancia et carte mee confirmacione dederunt michi predicti Lucia Malet Radulfus filius Ursi Hugo Peverel et Isabella uxor sua triginta marcas argenti Et ut hec mea concessio relaxacio quieta clamancia et carte mee confirmacio rata et inconcussa permaneant pro me et heredibus meis huic scripto sigillum meum apposui Hiis testibus domino Roberto de Bello Campo juniore domino Johanne de Reigny Hamelyno de Deaudon Galfrido parvo Galfrido de la Bruere Ada de Gryndham Ricardo Everard Roberto de Coudston Nicholao de Hiwis Galfrido de Kytenore et aliis