Charter Document - 01600050
| Charter Number: | 01600050 |
|---|---|
| Cartulary Title: | Documents and Extracts Illustrating the History of the Honour of Dunster |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1225 - 1242 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Reginaldus de Moyon salutem Noveritis me dedisse et concessisse et presenti carta mea confirmasse deo et beate Marie et monachis Vallis Floride que vulgo dicitur Clyva ibidem deo servientibus et servituris pro salute anime mee et Hawise uxoris mee et heredum meorum et omnium predecessorum et successorum meorum in puram et perpetuam elemosinam totam terram meam de Slaworthi que fuit Ricardi de Slaworthi et Rogeri filii ejusdem tenendam et possidendam de me et de heredibus meis imperpetuum cum omnibus pertinenciis suis in viis et semitis et bosco et plano et aquis et turbariis et pasturis et jahunis et omnibus aliis sibi et omnibus animalibus et averiis suis cum libero ingressu et egressu libere quiete pacifice et honorifice et quietam et solutam ab omni servicio et exaccione seculari salvo regali servicio scilicet quantum pertinet ad octavam partem feudi unius militis in feudo de Dunstorre Si quid autem aliud servicium debetur vel debebitur inde ulli hominum ego et heredes mei ad quieta bimus de tenemento nostro de Dunstorre et warantizabimus totam predictam terram de Slaworthi predictis monachis cum omnibus pertinenciis suis contra omnes homines et feminas sicut ulla elemosina potest et debet liberius ad quietari et warantizari salvo regali servicio sicut predictum est Et ut hec mea donacio et concessio stabilis et inconcussa permaneat in perpetuum presenti scripto sigillum meum dignum duxi apponendum Hiis testibus domino Johanne de Reyni Willelmo filio Everardi Ada de Fernacre Willelmo de Treberge Radulfo le Tort Waltero Fillol et multis aliis