Charter Document - 01600033
| Charter Number: | 01600033 |
|---|---|
| Cartulary Title: | Documents and Extracts Illustrating the History of the Honour of Dunster |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Moyun concessi et hac presenti carta confirmavi Eve Thalebot vel cui ipsa assignare voluerit custodiam terre de Hethfeld et heredum Galfridi Thalebot et maritagium illorum excepto dote uxoris que fuit Edmundi Thalebot si tenetur habere et quod heredes sint maritati sine disparagacione Pro ista concessione et confirmacione dedit michi predicta Eva quadraginta marcas quas pacavit ad quatuor terminos anno quarto quo terram meam recepi scilicet ad festum Sancti Michaelis proximo sequens postquam hanc cartam et custodiam de me suscepit decem marcas ad Natale decem marcas ad Pascha decem marcas ad festum Sancti Johannis Et ego Reginaldus de Moyun debeo warantizare predicte Eve vel cui ipsa assignaverit predictam custodiam et maritagium contra omnes homines et feminas Hiis testibus Martino priore de Dunstor Willelmo de Dintona Willelmo de Sancta Clara Willemo de Ho Johanna de Sancta Clara Willelmo de Moyun fratre meo David Pentir Radulfo Torto Willelmo de Calna monacho qui hanc cartam scripsit et multis aliis