Charter Document - 01591005
| Charter Number: | 01591005 |
|---|---|
| Cartulary Title: | Book of the Foundation of Walden Monastery |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1190 |
| Date type: | Internal, Regnal |
| Resource Link(s): |
|
Charter:
Ricardus Dei gracia rex Anglie dux Normannie Aquitannie comes Andegauie archiepiscopis episcopis abbatibus comitibus baronibus iusticiariis uicecomitibus ministris omnibus bailliuis et fidelibus suis tocius Anglie salutem Sciatis nos pro salute anime nostre concessisse et presenti carta nostra confirmasse donacionem quam Willelmus de Mandeuilla comes Essex fecit Deo et ecclesie sancti Iacobi de Waledena et monachis ibidem Deo seruientibus in liberam puram et perpetuam elemosinam de medietate tocius dominii sui de Waledena in terra arabili et in pratis et pascuis Ita quod ipsi suam medietatem habeant propinquiorem et commodius adiacentem abbatie sue Et paruum parcum sicut sepe clauditur et molendinum prefati comitis de eadem uilla Et preterea omnes homines illos et massagia eorum qui manent super riueram de Waledena scilicet a cruce illa que est in chemino de Neuport uersus Cantebrug quantum iam terra dicti comitis extenditur in illam partem cum omnibus tenementis et redditibus et seruiciis eorundem hominum Concedimus eciam et hac carta nostra confirmamus concessionem et confirmacionem Beatricis de Mandeuilla amite et heredis prefati comitis et Gaufridi de Say filii eiusdem Beatricis quam fecerunt iamdictis monachis super predicta donacione prefati Willelmi comitis Essex secundum quod in cartis eorum continetur Quare uolumus et firmiter precipimus quod iamdicta ecclesia sancti Iacobi de Waledena et monachi in ea Deo seruientes omnia predicta tenementa habeant et teneant bene et in pace libere et quiete integre et plenarie et honorifice in bosco et plano in pratis et pasturis in aquis et molendinis in uiuariis et stagnis et piscariis in uiis et semitis et in omnibus locis et in omnibus rebus ad predicta tenementa pertinentibus ita libera et quieta ab omni terreno seruicio et seculari exactione sicut comes Willlemus prefatus ea ipsis dedit et carta sua confirmauit Testibus Ricardo de Humeto constabulario Willelmo de Sai Henrico de Humeto fratribus eius Osberto de Ruuerai Stephano de Turneh Radulpho filio Godefridi camerario nostro Dat per manum Iohannis de Alencon archidiaconi Lexou uicecancellarii nostri apud sanctum Iohannem de Angeli septimo die Maii anno primo regni nostri
Source (click image below to view full size)
