Charter Document - 01590002

Gaufridus de Mandeuilla comes Essexie omnibus hominibus et amicis suis Francis et Anglis tam presentibus quam futuris salutem Sciatis uniuersi me concessisse et hac presenti carta mea confirmasse elemosinam et donacionem Gaufridi de Mandeuilla comitis Essexie patris mei quam fecit et carta sua confirmauit Deo et sancte Marie et monasterio sancti Iacobi apostoli de Waledena et monachis ibidem Deo seruientibus pro salute anime sue et omnium antecessorum et successorum suorum scilicet omnes ecclesias de dominio et heritagio suo ecclesiam de Waledena ecclesiam de Waltham ecclesiam de Estra ecclesiam de Sabricheswrtha ecclesiam de Thorleya ecclesiam de Gedelestuna ecclesiam de Enefelda ecclesiam de Edelmetuna ecclesiam de Mymmes ecclesiam de Senleya ecclesiam de Norhala ecclesiam de Chishella ecclesiam de Chippenham ecclesiam de Dygeneswell ecclesiam de Almodesham ecclesiam de Stratleya ecclesiam de Caingham ecclesiam de Aynho ecclesiam de Cuntunia Has autem ecclesias concedo et confirmo monasterio sancti Iacobi de Waledena cum omnibus ad easdem ecclesias pertinentibus in decimis et obuencionibus in terris et redditibus in hominibus et eorum seruiciis in pratis et pascuis in bosco et plano in aquis et stagnis in uiis et semitis cum omnibus libertatibus et liberis consuetudinibus Et ne in aliquo uidear carte patris mei uelle contraire concedo et confirmo prelato et monachis sancti Iacobi de Waledena donacionem presentacionem omne ius et omne dominium quod pater meus uel ego siue aliquis antecessorum meorum melius et liberius in prefatis ecclesiis unquam habuimus uel habere debuimus quicunque predictarum habuerint dominium uillarum ut si quis aliquam illarum ecclesiarum aliquando tenuerit de prelato et conuentu monasterii sancti Iacobi teneat sicut pater meus eis concessit et carta sua confirmauit Concedo eis insuper et confirmo sexies uiginti acras terre arabilis in essarto meo de Waledena et centum acras de bosco in Kebwortheia cum media parte de omnibus proficuis que inde exeunt et unum pratum quod dicitur Fulefen cum terra desuper uinee deputata Duo eciam molendina unum scilicet apud Waldena et alterum apud Enefeld cum omnibus pertinenciis et libertatibus suis et cum multura ambarum uillarum sicut unquam melius uel liberius antea habere solebant Concedo autem eis heremitagium de Hadleya cum omnibus ad eundem locum pertinentibus introitum et exitum et communem pasturam pecoribus eorum in parco meo in quo heremitagium illud situm est Clamo eciam quietum pannagium de omnibus dominicis porcis suis tam de Waldena quam de omnibus locis que ad eos specialiter pertinebunt et in manu propria tenebunt in omnibus boscis et parcis meis in quibus porci mei in pastionem admittuntur Huic autem patris mee elemosine et mee superaddo unum hominem apud Enefeld qui uocatur Serlo cum tota terra sua Hec autem omnia tenementa concedo prelato et conuentui sancti Iacobi de Waledena et presenti carta mea confirmo sicut pater meus comes Gaufridus ea illis concessit et carta sua confirmauit Quare uolo et firmiter precipio ne aliquis successorum uel hominum meorum prenominatis monachis de Waledena aliquam uexacionem uel grauamen super prescriptis ecclesiis uel tenementis inferre presumat Quod si quis contra hanc cartam meam in aliquo uenire attemptauerit maledictionem Dei omnipotentis percipiat nisi resipiscat et ad emendacionem ueniat Fiat Fiat Fiat Amen Hiis testibus Hasculfo et Humfrido capellanis Radulfo de Berners Willelmo filio Alfredi Willelmo Ernaldi Iordano de Taiden Radulpho de Chesneduit Gaufrido pincerna Roberto Blundo Philippo filio Godardi Bernardo Boue Aluredo Pred de uileyn Waltero camerario Gilberto de Berners Willelmo de Chesneduyt Roger filio Huberti Ernaldo de Roniges Radulfo Petro Willelmo clericis comitis et multis aliis