Charter Document - 01590001

Gaufridus de Mandeuilla comes Essexie archiepiscopis episcopis abbatibus comitibus baronibus omnibus hominibus et amicis suis Francis et Anglis et uniuersis Christiane fidei professoribus tam presentibus quam futuris salutem Ad uniuersitatis uestre noticiam uolo peruenire me fundasse quoddam monasterium in usus monachorum apud Waledenam in honore Dei et sancte Marie et beati Iacobi apostoli quibus deuote contuli et hac presenti carta mea confirmaui pro salute anime mee et omnium parentum et antecessorum et successorum meorum omnes ecclesias inferius annotatas tam de dominio meo quam de emptis et purchaciis meis scilicet ecclesiam de Waledena ecclesiam de Waltham ecclesiam de Estra ecclesiam de Sabricheswrtha ecclesiam de Thorleya ecclesiam de Gedelestuna ecclesiam de Enefelda ecclesiam de Edelmetona ecclesiam de Mymmes ecclesiam de Senleya ecclesiam de Norhala ecclesiam de Chishella ecclesiam de Chippenham ecclesiam de Dygeneswell ecclesiam de Almodesham ecclesiam de Stratleya ecclesiam de Cayngham ecclesiam de Aynho ecclesiam de Cuntuna Has autem ecclesias concedo et confirmo monasterio sancti Iacobi de Waldena et monachis ibidem in Dei seruicio constitutis in liberam puram et perpetuam elemosinam cum omnibus ad easdem ecclesias pertinentibus in decimis et obuencionibus in terris et redditibus in hominibus et eorum seruiciis in pratis et pascuis in bosco et plano in aquis et stagnis in uiuariis et piscariis in uiis et semitis in omnibus libertatibus et liberis consuetudinibus Et ne aliquis heredum uel successorum meorum uel eorum eciam qui predictarum inposterum forte habuerint dominium uillarum aliquam donacionem uel presentacionem in prescriptis ecclesiis ulterius se habere estimet Concedo et confirmo prelato monasterii sancti Iacobi de Waledena et monachis predictis omne ius et omne dominium quod egomet uel aliquis antecessorum meorum melius et liberius in prefatis ecclesiis unquam habuimus uel habere debuimus Quare uolo et firmiter precipio quod prelatus prenominati monasterii de Waledena et monachi prelibati habeant et teneant imperpetuum ecclesias iam sepe dictas cum omnibus earum pertinenciis et libertatibus ita quidem ut si quis aliquam illarum ecclesiarum aliquando tenuerit de prelato et conuentu sancti Iacobi de Waledena teneat Concedo insuper eis et confirmo sexies uiginti acras terre arabilis in essarto meo de Waledena et centum acras de bosco in Kebwrthei cum media parte de omnibus proficuis que inde exeunt et unum pratum quod dicitur Fulefen cum terra desuper uinee deputata Duo eciam molendina unum scilicet apud Waledenam et alterum apud Enefeldam cum omnibus pertinenciis et libertatibus suis in terris et redditibus in pratis et pascuis in aquis et stagnis et piscariis et cum multura ambarum uillarum scilicet de Waledena et Enefeld sicut unquam melius uel liberius ante habere solebam Concedo autem eis et confirmo heremitagium de Hadleya cum omnibus ad eundem locum pertinentibus introitum et exitum et communem pasturam pecoribus eorum in parco meo in quo heremitagium illud situm est Clamo eciam quietum pannagium de omnibus dominicis porcis suis tam de Waledena quam de omnibus locis que ad eos specialiter pertinebunt et in manu propria tenebunt in omnibus boscis et parcis meis in quibus porci mei in pastionem admittuntur Vnde eciam ex parte Dei et mea firmiter precipio ne aliquis successorum uel hominum meorum predicto monasterio sancti Iacobi de Waldena uel monachis ibidem diuino seruicio mancipatis aliquam uexacionem uel molestiam super prescriptis ecclesiis uel tenementis inferre presumat Quod si quis eorum contra hanc cartam meam in aliquo uenire presumpserit et hanc elemosinam meam a prefato monasterio alienare uel in aliquo minuere studerint maledictionem Dei omnipotentis et sancte Marie et beati Iacobi apostoli et omnium sanctorum Dei in presenti uita senciat et in futura cum Iuda traditore eternam dampnacionem percipiat nisi resipiscat et ad emendacionem ueniat Fiat Fiat Amen Hiis testibus comite Gilberto comitissa Rohesia Willelmo archidiacono London Radulfo et Brienno canonicis de Waltham Grigorio dapifero Pagano de Templo Domini Arnulpho de Mandeuilla Waryno filio Geroldi Henrico filio Geroldi Adelardo de Guerr Fulcone de Nuers Humfrido de Rochella Willelmo filio Alueredi Willelmo filio Arnaldi Willelmo Pulcyn Richario Thoma Simone camerario Rogero clerico et multis aliis