Charter Document - 01570065
| Charter Number: | 01570065 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Lay |
| Charter Type(s): | Perambulation |
| Date: | 1240 |
| Date type: | Assigned |
| Resource Link(s): |
|
Charter:
Rex Vicecomiti Devonie salutem Sciatis quod dilectus frater noster Ricardus Comes Pictavie et Cornubie pro parte sua et Henricus de Mertone Hamelinus de Eudone Robertus de Helyun et Willelmus le Pruz pro parte Militum et libere tenencium habendum terras et feoda juxta forestam ejusdem Comitis de Dertemore posuerunt se coram nobis in perambulacionem inter terras eorum et predictam forestam ejusdem Comitis faciendam Et ideo tibi precipimus quod si alii de Comitatu tuo habentes terras juxta forestam predictam cognoverint coram te et coram custodibus placitorum corone nostre quod predicti iiij Milites de consensu aliorum omnium posuerint se in perambulacionem illam pro omnibus aliis tunc assumptis tecum xij legalibus Militibus de Comitatu tuo in propria persona tua accedas ad forestam et terras predictas et per eorum sacramentum fieri faciatis perambulacionem inter predictam forestam et terras predictas ita quod perambulacio illa fiat per certas metas et divisas Et scire nobis facias ubicumque fuerimus distincte et aperte sub sigillo tuo et per quatuor Milites ex illis qui perambulacioni illi interfuerint per quas metas et divisas perambulacio facta fuerit Et habeas ibi nomina Militum et hoc breve []
Source (click image below to view full size)
