Charter Document - 01570057
| Charter Number: | 01570057 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1170 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Ricardus Bauzan dedi concessi et hac presenti carta mea confirmaui Nicholao de Kyngdone totam terram meam de Holne cum omnibus pertinenciis suis ut in dominicis vilenagiis Boscis Turbariis Homagiis et seruiciis liberorum hominum et heredum eorum Tenendam et Habendam predicto Nicholao et heredibus suis et assignatis de me et heredibus meis et assignatis libere quiete et integre faciendo inde michi et heredibus meis homagium et seruicium tricesime partis feudi unius militis pro omni seruicio querela demanda secta et exaccione Reddendo insuper pro anima mea et anima Stephani Bauzan et pro animabus omnium antecessorum meorum Abbacie de Bucfestre et Monachis ibidem Deo seruientibus triginta solidos sterlingorum in puram et perpetuam elemosinam singulis annis ad festum sancti Michaelis et ad Pascha equalibus porcionibus Et ego dictus Ricardus et heredes mei tenemur Warantizare terram predictam cum omnibus pertinenciis suis in forma prescripta tenendam predicto Nicholao et heredibus suis et assignatis contra omnes homines Et ut hec donacio et concessio mea rata et stabilis inperpetuum permaneat presenti carta mea et sigilli mei inpressione confirmaui Hiis testibus Domino Joele de Bukyntone Ricardo de Treminet Willelmo de Spychwike Willelmo de Halshangre Willelmo de Killebyre Aluredo de Birrigge et Aliis
Source (click image below to view full size)
