Charter Document - 01570055
| Charter Number: | 01570055 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod Ego Randulphus de Valle Torta filius Rogeri de Valle Torta dedi concessi et hac presenti carta mea confirmaui Ricardo Tyulle et heredibus suis pro homagio et seruicio suo Chalueleghe in australi parte de myreles et per diuisas Mugge usque myreles et per illam aquam de myreles usque ad diuisas Tyulbolde Bodda et Edwardi Husbonda a diuisis illorum usque ad diuisas Meliore Relicte Stephani Cole et a diuisis Meliore usque diuisas Osberti Corbyn et Hugonis Ailmer et a diuisis Hosberti et Ailmer usque Nilehtmore in diuisis Stephani Moge cum pertinenciis et pascua et fenum et blestias in Wasto meo sicut vicini reliqui qui de me tenent libere quiete integre pacifice Reddendo inde annuatim duos solidos ipse uel heredes sui uel assignati michi uel heredibus meis ad festum sancti Michaelis pro omni seculari seruicio exaccione et demanda Et si in misericordiam meam ceciderit pro sex denariis quietus discedat pro omnibus placitis unius diei ita quod leso satisfaciat Et curiam meam non tenetur sequi nisi bis in anno scilicet a[d] la Hockeday et ad festum sancti Michaelis nisi fuerit in placito Pro hac autem donacione et concessione dedit michi dictus Ricardus quadraginta solidos premanibus Et ego dictus Randulphus et heredes mei dictam terram cum pertinenciis dicto Ricardo et heredibus suis vel assignatis suis contra omnes homines et feminas Warantizare [tenemur inperpetuum] Quod ut ratum et inconcussum permaneat in posterum presentem cartam sigilli mei inpressione signaui Hiis testibus Galfrido de Pridias Hosberto Corbyn W de Wodelande W Finamur Martino Tyulle et Multis Aliis
Source (click image below to view full size)
