Charter Document - 01570054
| Charter Number: | 01570054 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Radulphus de Valle Torta Dominus de Tremetone dedi concessi et hac presenti carta mea confirmaui Stephano Bauzan et heredibus suis pro homagio et seruicio suo totam terram meam de Holna cum omnibus pertinenciis suis ut in dominicis vilenagiis boscis Turbariis homagiis et seruiciis liberorum videlicet Stephani Mugge Michaelis Mugge Wymundi Cola Osberti Corbyn et Warini de Buddetone et omnibus aliis pertinenciis Tenendam et habendam dicto Stephano et heredibus suis uel cui eam assignare uoluerit de me et heredibus meis libere quiete integre et pacifice iure hereditario inperpetuum in viis semitis pratis pascuis uastis boscis planis herietis Wardis escaetis et omnibus aliis exitibus ad predictam terram pertinentibus faciendo inde annuatim michi et heredibus meis dictus Stephanus et heredes sui uel eius assignati tricesimam partem feodi unius militis seruicii pro omni seruicio querela demanda secta et exaccione Et ego dictus Radulphus et heredes mei totam predictam terram cum omnibus pertinenciis dicto Stephano et heredibus suis uel eius assignatis inperpetuum Warantizare tenemur contra omnes homines et feminas Et ut hec mea donacio et concessio rata stabilis et inconcussa inperpetuum permaneat presenti carta mea et sigilli mei inpressione confirmaui Hiis Testibus Gilberto de Dunframuile Hugone de Cardinan Martino de ffissacre Gilberto filio Stephani Philippo de Bodrigan Waltero Gervasio Nicholao de fferariis et Aliis
Source (click image below to view full size)
