Charter Document - 01570027
| Charter Number: | 01570027 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1313 |
| Date type: | Internal, Feast, Regnal |
| Resource Link(s): |
|
Charter:
Nouerint uniuersi presens scriptum visuri uel audituri quod Ego Johannes Heruy de Scoriatone dedi concessi et hac presenti carta mea confirmaui Henrico de Wermecumbe totam terram meam et ius meum quod habeo in qualicumque tenura in parte occidentali aque de Myreles et in parte Boriali terre de Wermecumbe Habendum et Tenendum totam predictam terram et ius cum omnibus suis quibuscumque pertinenciis dicto Henrico heredibus suis et assignatis de Viris Religiosis Abbate et Conuentu Bucfestrie Dominis capitalibus feodi illius libere quiete Pacifice et integre iure hereditare imperpetuum Reddendo hide annuatim et faciendo predictis Religiosis et eorum successoribus Redditus et seruicia de dicta terra debita et consueta Et michi heredibus meis aut assignatis post terminum duodecim annorum a confeccione Carte presentis plenarie completorum decem solidos sterlingorum annuatim pro omnibus seruiciis et demandis secularibus quibuscumque censeantur nominibus Ego uero predictus Johannes heredes mei et assignati totam predictam terram et ius cum omnibus suis quibuscumque pertinenciis dicto Henrico heredibus suis et assignatis pro Redditu et seruiciis antedictis contra omnes utriusque sexus mortales tenemur inperpetuum Warantizare defendere et acquietare In cuius Rei testimonium sigillum meum presenti Carte est appensum Hiis testibus Johanne Mogge Galfrido Mogge Elia de Hosefenne Stephano Wymond Thoma Chalueleghe et aliis Data apud Bucfestriam In Vigilia Sancti Luce Euangeliste Anno Regni Regis Edwardi filii Regis Edwardi Septimo
Source (click image below to view full size)
