Charter Document - 01570022
| Charter Number: | 01570022 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1237 - 1251 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus de Hylion divine caritatis intuitu et pro salute anime mee et antecessorum et successorum meorum dedi et concessi et hac presenti carta mea confirmaui consensu heredis mei Deo et beate marie de Bocfastria et monachis ibidem Deo seruientibus totam terram meam de Hosefenne cum pertinenciis que est in Manerio Domini Reginaldi de Valle Torta de Sutholna Tenendam et habendam sibi de me et heredibus meis Libere quiete et pacifice in puram et perpetuam elemosinam Beate Marie pro omni seruicio et exaccione seculari Salvo seruicio Domini Regis quantum pertinet ad quadragesimam partem feudi unius militis Reddendo inde michi et heredibus meis annuatim unam libram cere in Assumpcione Ita tamen quod Conuentus eiusdem loci habeat annuatim in quatuor festis scilicet In Natali Domini In Purificacione In Pentacoste In assumpcione Beate marie Sexaginta et quatuor Galones vini pro equis porcionibus Ego autem et heredes mei predictam terram de Hosefenne cum pertinenciis suis dictis Monachis contra omnes Warantizare tenemur imperpetuum Et si processu temporis contigerit quod pater Abbas Visitator uel Abbas Loci qui pro tempore fuerit Hanc pitanciam vini prescriptam mutare uel minuere presumpserit Inquisita ueritate a senioribus et sanioribus tocius Conuentus quod ita sit Liceat michi et heredibus meis sine omni contradiccione predictam terram cum pertinenciis In usus proprios reuocare Et ut hec mea donacio et concessio stabilis et inconcussa permaneat inperpetuum presens scriptum sigilli mei apposicione roboraui Hiis testibus Waltero de Bathonia tunc Vicecomite Exonie Hugone Peuerel de Hermingtone Wydone de Britteuille Radulpho de Chaluns Hamelino de Dyaudine Michaele de Spychwike Rogero Prigge tunc Rectore Ecclesie de Holna Nicholao de Laya et Ricardo filio eiusdem et Multis Aliis
Source (click image below to view full size)
