Charter Document - 01570021

Sciant presentes et futuri quod Ego Nicholaus de Laya dedi et concessi et presenti carta mea confirmaui Roberto de Hylion pro homagio et seruicio suo totam terram meam de Hosefenne cum pertinenciis Cujus terre Isti sunt termini Scilicet inter Langeforde et Quercistede et Octo Acras ultra viam que ducit Inter Langeforde et Quercistede versus meridiem et sic iuxta magnam viam usque La Maynboghe et de la Maynboghe usque Northbroc et sic iuxta riuum de Northbroke usque ad predictum Langeforde Tenendam et Habendam sibi et heredibus suis vel Cuicumque eam assignare uoluerit sine contradiccione de me et heredibus meis Jure hereditario libere et quiete plenarie et integre In pratis pascuis boscis et moris cum omnibus aliis pertinenciis et libertatibus et cum Cummuna ad dictam terram pertinente quam ego tenui et habui vel habere potui de Reginaldo de Valle Torta Domino de Sutholne Red[d]endo inde annuatim ipse et heredes sui uel ejus assignati michi et heredibus meis unam libram Cere In assumpcione beate marie pro omni seruicio et exaccione seculari saluo seruicio Domini Regis quantum pertinet ad quadragesimam partem feudi unius militis Ego autem et heredes mei dictam terram cum pertinenciis dicto Roberto et heredibus suis uel Cuicumque assignare uoluerint contra omnes homines Warantizare tenemur imperpetuum In recognicione autem huius donacionis et concessionis mee dedit michi predictus Robertus sexdecim Marcas argenti Et ut hec donacio et concessio mea rata et inconcussa permaneat huic scripto sigillum meum apposui Hiis testibus Domino Wydone de Bruteuille Willelmo de la Pomeray Willelmo de Sancto stephano Galfrido de Nywetune Ricardo de Cumba Johanne de ffentune Aluredo de Duddewrthe Stephano Mugge et Aliis