Charter Document - 01570018
| Charter Number: | 01570018 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 - 1249 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Adam de Lunewrthe remisi et concessi et quietum clamaui Abbati et Conuentui Bucfestrie totum ius et clamium quod habui uel habere potui in Bosco de Birigge cum omnibus pertinenciis pro me et heredibus meis quos habui de Auicia sponsa mea filia Willelmi Crocke de Croketune in illa uidelicet parte bosci quam predicta Auicia sponsa mea una cum Turkesia et aliis sororibus suis aliquando petebat de Reginaldo de Walle Torta per breue Domini Regis coram Rogero de Turkeby et aliis iusticiariis tunc cum eo in Deuonia itinerantibus Concessi eciam predictis Abbati et Conuentui et quietam clamaui totam predictam partem in bosco et ueteri Wdelonde et omnibus aliis pertinenciis tenendam et habendam liberam et quietam ab omni seruicio et exaccione seculari pro me et heredibus meis inperpetuum salua communi pastura in predicta parte bosci extra fossatum et clausum homini meo de Birigge Concessi eciam quod predicti Abbas et Conuentus claudant predictam partem cum pertinenciis quando et quomodo uoluerint et quod homines eorum quibus processu temporis in predicto bosco terram tradiderint habeant communem pasturam per totam terram meam de Birigge nisi tenentem meum qui ibi manserit a predicti bosci pastura per fossatum uel clausum uel alio modo excluserint Bunde infra quas predictus boscus cum pertinenciis continetur sic protenduntur A Scottescumbelake per decensum usque in Dertam et sic per decensum Derte usque ad Biriglake Et sic per ascensum eiusdem riuuli usque ad ueterem corndich et sic per eandem corndich de Birigge usque ad riuulum de Scottescumbe uersus aquilonem Pro hac autem concessione mea et quieta iuris clamancia dederunt michi predicti Abbas et Conuentus Bucfestrie quinque solidos sterlingorum premanibus Hanc autem concessionem et quietam iuris clamanciam ego et heredes mei predicto Abbati et Conuentui aduersus omnes homines Warantizare tenemur In cuius rei testimonium presenti scripto sigillum nostrum apposuimus Hiis testibus Michaele de Spychwyke Warino de Budetune Willelmo Finamur Waltero Le bon Ricardo de Clautone Stephano Mugge Michaele Mugge et aliis
Source (click image below to view full size)
