Charter Document - 01570012
| Charter Number: | 01570012 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1214 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Reginaldus de Valle Torta pro salute anime mee et omnium antecessorum et successorum meorum concessi et hac presenti Carta mea confirmaui Deo et beate marie et Abbacie de Bocfasta et Monachis ibidem Deo seruientibus Exclusagium de Northbroke Et terram de Sideham cum bosco et aquis et viis et omnibus pertinenciis que idem monachi possident ex dono Rogeri de Nunaunt Concessi eciam et hac presenti Carta mea confirmaui eidem Abbacie de Bocfasta et predictis eiusdem loci monachis terram de Schirhille cum bosco et aquis et viis et omnibus pertinenciis que idem monachi possident ex dono Henrici de Nonant Ita quod predicta Abbacia et monachi predicti habeant et possideant dictas terras cum boscis predictis et omnimodis Comodis et exitibus michi prouenientibus et omnibus pertinenciis libere et quiete integre et pacifice in puram et perpetuam elemosinam Concessi eciam predictis monachis et hac presenti Carta mea confirmaui facere fossatum inter boscum meum et boscum suum de Schirhille a ueteri vado de Northbroke usque in Dertam et cum opus fuerit illud emendare Ut autem hec mea concessio et confirmacio et predictorum Rogeri et Henrici de Nunant de predictis terris et boscis donacio deinde et heredibus meis rata et stabilius inperpetuum habeatur eam presenti scripto Sigilli mei inpressione munito roboraui Hiis testibus Domino Antonio Priore Plimtonie Roberto de Abb[atem] Willelmo Buzun Warino de fferthedele Radulpho filio Ricardi Philippo de Niwent Johele de Wallent Eustachio Clerico et multis Aliis
Source (click image below to view full size)
