Charter Document - 01570007
| Charter Number: | 01570007 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1327 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuris quod Ego Henricus de nunant pro salute anime mee et sponse mee elisabeth et pro animabus omnium antecessorum meorum et successorum meorum dedi ecclesie de Bocfasta et monachis ibidem Deo seruientibus in perpetuam elemosinam solutam liberam et quietam ab omni exaccione et seruicio seculari terram de Sideham cum bosco de qua pater meus Rogerus antea donacionem eisdem fecit et domino Gwydone fratre meo et me presente carta sua confirmauit nobis astantibus et corde pleno fauentibus et cum tota mea parte aque ex utraque parte scilicet ex orientali parte uie que uenit a ueteri uado de Nordbroc usque ad Nyuueforde in Derta ut inde inueniant panem et vinum ad missas cantandas Et ne peruersorum hominum malignitate ista donacio patris mei et mea irrita cassetur Hanc ipsam carta mea et sigilli mei munimine confirmo Qui eam cassare presumpserit malediccionem beate Dei genitricis marie et meam non euadat Et qui eam ratam habuerint et firmam eiusdem uirginis proteccione letetur Libertate tamen retenta eundi et redeundi michi et hominibus meis per uiam de nordbroc ad niweford ad forum de Aisbernetune et communione pasture quantum terra illa porrigitur Hiis testibus Domina elisabeth sponsa mea Baldewinus de nunant Rogerus de grusci Robertus filius Willelmi Hereberd Willelmus de Lingiure Gwido Crocca Philippus Bodin Rogerus pe de leure Rogerus de Hilesham Willelmus de Cumba et multis Aliis
Source (click image below to view full size)
