Charter Document - 01570006
| Charter Number: | 01570006 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1327 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuris quod Ego Rogerus de nunant pro salute anime mee et uxoris mee Alicie et liberorum meorum et pro animabus omnium antecessorum meorum et successorum meorum dedi ecclesie de Bocfestria et monachis ibidem Deo seruientibus concessu Guidonis filii mei et Henrici et ceterorum liberorum meorum in perpetuam elemosinam solutam liberam et quietam ab omni exaccione et seruicio seculari terram meam de sideham cum bosco et cum tota mea parte aque ex utraque parte scilicet ex orientali parte uie que uenit a ueteri uado de Norbroc usque ad niweforth in Derta ut inde inueniant panem et vinum ad missas cantandas Et ne peruersorum hominum malignitate hec nostra cartula irritata cassetur hanc ipsam sigilli mei munimine confirmo Qui autem eam cassare presumpserit malediccionem beate Dei genetricis marie et meam non euadet Set qui eam ratam habuerint et firmam eiusdem uirginis proteccione letentur Libertate tamen retenta eundi et redeundi michi et hominibus meis per uiam de Norbroc ad niwefort ad forum de Aspernetune et communione pasture quantum terra illa porrigitur Hiis testibus Osberno rufo presbitero Henrico de nunant Jordano de Hode Willelmo Walense Willelmo de Baumes David Rogero pe de Leure Willelmo Daco iuniore et multis Aliis
Source (click image below to view full size)
