Charter Document - 01570002
| Charter Number: | 01570002 |
|---|---|
| Cartulary Title: | The Cartulary of Buckfast Abbey |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1340 |
| Date type: | Assigned |
| Resource Link(s): |
|
Charter:
Uniuersis Christi fidelibus presens scriptum visuris uel audituris Willelmus Prutfoth salutem in Domino Noueritis me recepisse a domino Abbate de Bucfestria et eiusdem Loci Conuentu seisinam illius partis terre que michi iure hereditario descendere debuit per mortem Nicholai fratris mei sub hac forma condicionis Videlicet quod Ego nec Aliquis heredum meorum poterimus dictam terram dare vel vendere seu quolibet modo alienare sine licencia dictorum Abbatis et Conuentus Quod si facere quoquomodo attemptauerimus et hoc dicti Abbas et Conuentus uel eorum balliui de plano perceperint licebit ipsis nos de dicta terra ad libitum expellere et extra seisinam tenere nec poterimus nos ad dictam terram recuperandam aliquod remedium perquirere nobis profuturum vel ipsis nociturum Quod si fecerimus uolumus et concedimus quod nullum habeat Robur firmitatis Teneor insuper si dictus N[icholaus] frater meus adhuc uixerit et ueniens dictam terram petierit ipsam eidem sine fraude et calumpnia reddere Quod si noluero licebit dictis Abbati et Conuentui uel eorum balliuis ut supra dictum est me a dicta terra sine iudicio expellere et dictum N[icholaum] in plenariam seisinam introducere Ad omnia igitur et singula prescripta fideliter obseruanda me fide media obligaui Insuper et plegios inueni videlicet Michaelem Oda et Edwardum sutorem de Leghe In cuius rei Testimonium huic scripto sigillum meum apposui Hiis Testibus Willelmo de Spychwyke Johanne de Boyuille Willelmo de Kylebyre Johanne Paz Nicholao de Ky[n]gdone et aliis
Source (click image below to view full size)
