Charter Document - 01551033
| Charter Number: | 01551033 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1255 |
| Date type: | Internal, Calendar, Papal |
| Resource Link(s): |
Borthwick Institute - Register 7 (f82r) |
Charter:
Alexander papa Quartus servus servorum Dei dilectis filiis Priori et Conventui de Hextildesham ordinis Sancti Augustini Ebor dioeceseos salutem et Apostolicam benedictionem Devotionis vestre sinceritas promeretur ut vestris petitionibus quantum cum Deo possumus favorabiliter annuamus Hinc est quod vestris precibus inclinati ut in ecclesia vestra de Hextildesham curam habente in qua personaliter residentes Domino deservitis nullus auctoritate ordinaria vel litterarum Apostolice sedis vicarium de novo instituere secularem aut vos ad ipsum instituendum ibidem compellere valeat dummodo ibidem nec animarum cura nec Divini obsequii celebritas negligatur nisi eedem littere specialem et plenam fecerint de hac indulgentia mentionem auctoritate vobis presentium indulgemus Nulli igitur omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem Omnipotentis Dei et Beatorum Petri et Pauli Apostolorum Ejus se noverit incursurum Data Anagnia idus Julii pontificatus nostri anno primo
Source (click image below to view full size)
