Charter Document - 01550035

Universis sancte matris ecclesie filiis ad quorum notitiam presentes littera pervenerint Willelmus permissione Divina Ebor archiepiscopus Anglie primas salutem in Domino sempiternam Ut in subjectis nobis ecclesiis quibus animarum cura im[m]inet religiosis personis in usus proprios concessis ordinandi per nos et instituendi vicarii pro sustentatione sua perpetua congruam de ipsarum ecclesiarum proventibus assignatam sibi habeant portionem eo nos convenit studiosiorem operam adhibere quo in ipsis ecclesiis assidue servituri et facturi continue residentiam personalem de commissa sibi per nos animarum cura nedum pro se ipsis verum etiam pro nobis et successoribus nostris teneantur in districto venturi Judicis examine respondere Sane dudum ex officii nostri debito in dioecesi nostra visitationis officium exercentes comperimus quod religiosi viri Prior et Conventus monasterii Sancti Andrea de Hextildesham ecclesiam parochialem de Edeston tanquam sibi appropriatam per nonnulla tempora tenuerunt in qua non est perpetuus vicarius institutus nec quivis alius ad animarum curam in parochia dicte ecclesie exercendam per loci ordinarium deputatus sicque dicta ecclesia non absque nostro et animarum parochianorum ejusdem ecclesia periculo [] regimine hactenus extitit desolata Cupientes igitur tam periculoso defectui congruum remedium adhibere felicis recordationis domini Octoboni quondam legati in Angliam vestigiis inherentes qui super ecclesiis religiosis domibus in usus proprios concessis pie et provide inter cetera noscitur statuisse ut in eisdem per loci ordinarios perpetui instituantur vicarii ordinata eis de ipsarum ecclesiarum proventibus sufficienti et congrua portione ex qua honeste sustentari valeant et incumbentia sibi onera supportare perpetuam vicariam in dicta ecclesia parochiali de Edeston vocatis legitime religiosis predictis invocato Christi nomine in forma qua sequitur duximus ordinandam In primis statuimus decernimus et etiam ordinamus quod vicarius perpetuus in dicta ecclesia de Edeston per nos et successores nostros qui pro tempore fuerint ad presentationem dictorum religiosorum institutionem habeat et percipiat omnes minutas decimas videlicet lane agnorum pullanorum vitulorum porcellorum aucarum ovorum columbarum lini canabi et aliorum quorumcumque fructuum in ortis et virgultis crescentium ubicumque infra parochiam antedictam necnon omnes oblationes ac mortuaria quacumque et alias quascumque minutas decimas ad dictam ecclesiam quandocumque obvenientes seu quomodo libet pertinentes decimis de quibuslibet animalibus dictorum religiosorum existentibus seu commorantibus infra predictam parochiam provenientibus duntaxat exceptis de quorum animalium suorum incrementis iidem religiosi vicariis qui pro tempore fuerint in eadem ecclesia decimas solvere nullatenus teneantur Decimas vero garbarum et feni totius parochie ipsis religiosis integraliter volumus remanere Ordinamus insuper quod prefati religiosi illud toftum jacens prope ecclesiam predictam ex parte australi inter toftum Henrici filii Rogeri ex parte occidentali et aliud toftum dictorum Prioris et Conventus ex parte orientali continens ut dicitur decem perticas in longitudine et tres perticas cum dimidia in latitudine quod toftum una cum crofto eidem contiguo ex parte australi adjacente et duabus bovatas terre que et quas Willelmus Freman in eadem villa de dictis religiosis quondam tenuit eidem vicaria et vicariis qui pro tempore fuerint in eadem deputamus perpetuo ac etiam assignamus juxta ordinationem cujuslibet vicarii in eadem instituendi infra annum a data presentium competenter edificare et claudere propriis eorum sumptibus teneantur De oneribus insuper ecclesie predicte incumbentibus sic duximus ordinandum videlicet quod dicti religiosi cancellum dicte ecclesie quotiens opus fuerit reficere ac etiam si necessitas immineat de novo construere teneantur Vicarius vero qui pro tempore fuerit libros vestimenta et cetera ipsius ecclesie ornamenta quatenus de consuetudine patrie ad rectores ecclesiarum pertinet invenire procurationemque archidiacono loci pro visitatione sua debitam solvere ceteraque quoque onera ordinaria subire et agnoscere annis singulis teneatur Extraordinaria vero onera dicti religiosi quotienscumque emerserint solvere teneantur institutione et destitutione vicarii in ecclesia memorata ac etiam omni jure et jurisdictione episcopali tam in ipsam ecclesiam quam in quoslibet ejus ministros ac parochianos nobis et ecclesie nostre Ebor nostrisque successoribus in perpetuum reservata Hanc autem ordinationem nostram in omnibus et singulis suis articulis ratam firmam et illibatam futuris perpetuis temporibus statuimus et decernimus permanere In quorum omnium testimonium huic ordinationi sigillum nostrum duximus apponendum Data apud Cawod xiij kalendas Februarii anno gratia millesimo trecentesimo decimo et pontificatus nostri quinto