Charter Document - 01550033
| Charter Number: | 01550033 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1310 |
| Date type: | Internal, Calendar, Episcopal |
| Resource Link(s): |
Borthwick Institute - Register 7 (f103v) |
Charter:
Willelmus permissione Divina [] dilectis filiis custodi spiritualitatis nostre de Hextildesham et domino Thome de Erington vicario ecclesie de Herteburn salutem [] Dudum vobis in negotio contra Priorem et Conventum de Hextildesham nostre dioecesis super appropriatione quarumdam ecclesiarum in quibus non sunt perpetui vicarii instituti ex officio nostro moto testium examinationem ex parte dictorum religiosorum coram vobis productorum monuimus commisisse quorum attestationibus nobis per vos transmissis feriatius intellectis invenimus dictos testes examinatos fuisse super quibusdam articulis minus plene Nos itaque volentes in eodem negotio plenius informari vobis ad recipiendum iterato in forma juris eosdem testes prius in eodem per vos examinatos negotio et alios quos dicti religiosi certis die et loco ad hoc per vos sibi legitime assignatis duxerint producendos ipsosque super articulis in cedula contentis presentibus interclusa ex nostro plenius examinandum officio et ad compellendum eosdem si se gratia odio vel timore subtraxerint veritati testimonium perhibere vobis conjunctim committimus vices nostras cum cohercionis canonice potestate Proviso quod dicta eorundem testium in scriptis distincte redacta et sub vestris sigillis inclusa nobis citra festum Sancti Martini proximo sequens una cum vestris literis certificatoriis harum seriem continentibus fideliter transmittatis Valete Data apud Otteleye decimo kalendas Novembris pontificatus nostri anno quinto