Charter Document - 01550021

Notum sit omnibus presentes literas visuris vel audituris quod cum contentio mota esset inter venerabilem patrem dominum Walterum Eboracensis archiepiscopum Anglie primatem et Priorem et Conventum de Extoldesham super quibusdam libertatibus quas idem Prior et Conventus dicebant ad se pertinere tandem eadem controversia sub hoc fine quievit Quod cum dictus dominus archiepiscopus miserit ballivos suos ad tenendum assisas suas apud Extoldesham eligentur ab eisdem ballivis xij liberi et legales homines de manerio et de soca de Extoldesham qui jurati vere dictum suum facient de omnibus placitis que emerserint in manerio illo et in soka tam de terris archiepiscopi quam de terris Prioris et Conventus ad Coronam spectantibus Et [si] per illorum vere dictum aliqua placita emerserint que pertineant ad aliquos de hominibus Prioris et Conventus ballivus Prioris et Conventus vel canonicus ad hoc deputatus exiget curiam ad ostium ecclesie et hoc concedetur ei de omnibus hominibus Prioris et Conventus super omnibus placitis spectantibus ad Coronam que contra eos emerserint Dabitur ei ad hoc dies certus ad predictum locum Finitis vero as[s]isis de hominibus archiepiscopi ballivi archiepiscopi venient ad ostium ecclesie et ibi placitabunt placita pertinentia ad homines Prioris et Conventus Cum autem contigerit aliquos homines eorum esse amer ciendos amer cibabuntur per sacramentum sex legalium hominum ex parte archiepiscopi et sex legalium hominum ex parte Prioris et Conventus salvo contine mento et waynagio rusticorum que videlicet amerciamenta pertinebunt ad archiepiscopum qui pro tempore fuerit