Charter Document - 01550013
| Charter Number: | 01550013 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (3 face) |
Charter:
Omnibus [] Noveritis nos dedisse concessisse et presenti carta nostra confirmasse Deo et ecclesie Beati Andree de Hextold et canonicis ibidem Deo servientibus septies viginti et quinque acras et dimidiam terre de quibus quadraginta acre jacent inter villam de Aynewik et hayam nostram de Akwod usque aquilonem et quater viginti et decem acre desuper Dotelant versus austrum et quindecim acre et dimidia subtus Dotelant versus aquilonem tenendas et habendas de nobis et successoribus nostris in perpetuum libere et quiete reddendo nobis et successoribus nostris quatuor marcas argenti per annum pro omni servitio et exactione medietatem ad festum Sancti Martini et medietatem ad Pentecosten Preterea concessimus eisdem canonicis unam viam ab exitu ville sue de Aynewik per medium haye nostre de Akwod a bercaria sua directe versus aquilonem usque ad communiam pasturam suam ultra Kirkeburn que continet in latitudine decem perticatas Pro hac autem donatione et concessione remiserunt nobis et successoribus nostris predicti canonici pro se et successoribus suis et hominibus suis in perpetuum totum jus et clamium quod habuerint vel habere potuerint in haya nostra de Akwod scilicet ab exitu ville de Sandhou per divisas Petri de Vallibus usque Kirkeburn et de Kirkeburn descendendo usque ad molendinum de Akum Concesserunt etiam nobis iidem canonici quod non reclamabunt neque contradicent de cetero pro aliquo assarto quod hucusque fecimus inter Hextildesham et Doteland vel alibi vel quod fecimus vel facturi sumus nos vel successores nostri ultra Doteland Preterea dedimus et concessimus eisdem canonicis quoddam molendinum quod de novo construximus super magnum rivulum inter Doteland et villam de Rulei cum tota multura hominum nostrorum de Eskinseles et omnium hominum manentium in omnibus assartis nostris jam factis vel in futuro faciendis in australi parte de Tine excepta tota Alwentedal cum omnibus ad eam pertinentibus tenendum de nobis et successoribus nostris ad feodi firmam pro decem marcis nobis et successoribus nostris annuatim ad predictos terminos reddendis Et si forte processu temporis idem locus fuerit minus congruus ad molendinum liceat eis alibi super eundem rivulum molendinum construere ubi magis sibi viderint expedire per consilium nostrum et successorum nostrorum vel capitalis senescalli nostri Et ut hec [] Data apud Knarreburg pridie nonas Augusti anno xj []