Charter Document - 01550005
| Charter Number: | 01550005 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1165 - 1171 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] rex Scottorum omnibus probis hominibus totius terre sue salutem Sciant presentes et futuri me concessisse et hac carta mea confirmasse Deo et ecclesie Sancti Andree Hagustald et canonicis ibidem Deo servientibus in perpetuum totam Witefeld cum bosco et plano cum prato et pastura cum molendino et cum omnibus eidem ville de Witefeld adjacentibus preter illas terras quas Robertus filius Willelmi et Johannes de Corebrig de matre mea tenent in villa illa Tenendum de matre mea et heredibus ejus in feodo firmo et in perpetuum libere et quiete ab omni servitio et consuetudine et ab omnibus auxiliis et ab omni geld per easdem divisas per quas mater mea tenuit illam de Henrico comite patre meo et postea de me et per illas divisas per quas Robertus capellanus matris mee tenuit et sicut illam quam mater mea et Robertus capellanus per eam de dominio gvast H[enrico] comitis patris mei coluerunt et inhabitaverunt Reddendo inde annuatim matri mee et heredibus suis vj libras piperis ad festum Sancti Michaelis sicut carta comitise matris mee testatur et confirmat Testibus David fratre meo comite Wald[evo] Hugone Ridel Ricardo Cumin Rogero de Coigneres Waltero de Windlesoure Hugone Giffard Liolfo filio Macc Gileberto filio Rich Gileberto de Umframvill Willelmo de Haia Willelmo de Mortemer Apud logias de Duneliveshalch