Charter Document - 01520009

Urbanus Episcopus servus servorum Dei venerabili fratri Episcopo et dilectis filiis [] Fratrum Predicatorum Lincolnien et [] Merton Wintoniensi dioec Prioribus salutem et apostolicam benedictionem Significarunt nobis dilecti filii [] Decanus et Capitulum Ecclesie frater noster Episcopus Londoniensis propriis commodis inhians a felicis recordationis Alexandro Papa predecessore nostro de novo sibi concedi obtinuit ut idem Episcopus jus canonicatus Canonicus obtineret quare iidem Decanus et Capitulum attendentes quod si forte dictus Episcopus esset dilapidator bonorum episcopalium seu super quocumque alio excessu culpabilis existeret nullus auderet eo presente dum ad communes tractatus Capituli se ingereret de ipso revelare talia seu ad superioris notitiam deducere propter quod excessus ipsius remanerent in eorundem Decani et Capituli ac ipsius Ecclesie grave dispendium incorrecti considerantes etiam Decanus et Capitulum predicti quod plerumque necesse habent super redditibus ad eundem Episcopum spectantibus inter se habere tractatum quodque id commode fieri non posset si dictus Episcopus unacum ipsis in hujusmodi tractatu tamquam Canonicus interesset nec expediat ut certus Canonicorum numerus juramento firmatus qui in eadem habetur ecclesia amplietur providere super hiis paterna sollicitudine curaremus Quocirca discretioni vestre per apostolica scripta mandamus quatinus si nominatus Episcopus adeo amplos redditus habeat quod ex eis honeste valeat sustentari vel si forte redditus Episcopi minus sufficientes existant et idem Episcopus nolit prout prebende ipsius onus exigit in eadem ecclesia facere de serviri concessionem hujusmodi penitus revocare curetis contradictores auctoritate nostra appellatione postposita compescendo non obstante si aliquibus ab Apostolica Sede indultum existat quod interdici suspendi vel excommunicari non possint per litteras apostolicas nisi plenam et expressam fecerint de indulto hujusmodi mentionem seu quavis alia indulgentia Sedis ejusdem per quam effectus presentium impediri valeat seu etiam retardari et illa presertim qua tibi fili Prior Predicatorum vel fratribus tui Ordinis a Sede ipsa dicitur esse concessum quod de causis non teneamini cognoscere inviti que nobis a sede committ[antur] eadem Quod si non omnes hiis exequendis [potu]eritis interesse tu frater Episcope cum eorum altero ea nihilominus exequaris Datum Viterbii Kal Januarii Pontificatus nostri [anno] primo