Charter Document - 01510323
| Charter Number: | 01510323 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1183 - 1185 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit W dei gratia Lincolniensis episcopus salutem Approbate consuetudinis est donationes beneficiorum iuste et rationabiliter viris ecclesiasticis collatorum litterarum apicibus commendare et ut maiorem obtineant firmitatem debitis sigillorum auctoritatibus communire Inde est quod ad omnium notitiam volumus pervenire nos ad petitionem et presentationem domini regis Henrici in perpetuam elemosinam concessisse et donasse dilectis nostris canonicis de Wauth ecclesiam omnium sanctorum de Hertford assensu Roberti de Valoniis qui universum ius quod in prefata ecclesia videbatur habere in curia domini regis penitus resignavit et concessit Dedimus autem predictis canonicis eandem ecclesiam cum omnibus pertinentiis integre et imperpetuum salva idonea vicaria possidendam salva etiam in omnibus Lincolniensis ecclesie dignitate et debitis consuetudinibus Hanc itaque donationem nostram nequa possit in posterum malignitate convelli scripti et sigilli nostri munimine confirmamus inperpetuum valituram T magistro Iohanne Cornub Huberto Walteri magistro Wimero subdecano Lincolniensi Reginaldo clerico et multis aliis