Charter Document - 01510288
| Charter Number: | 01510288 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1181 |
| Date type: | Assigned |
| Resource Link(s): |
|
Charter:
Godfridus dei gratia Lincolniensis ecclesie electus omnibus Christi fidelibus per Lincolniensem episcopatum constitutis salutem et dilectionem Noverit universitas vestra quod dilectus frater noster P ecclesiam de Wicumbe quam ex dono illustris regis Anglie patris nostri canonice possedit in manu nostra spontanea voluntate resignavit Nos vero ad presentationem eiusdem domini nostri regis concessimus et dedimus sanctimonialibus de Godestowe iam dictam ecclesiam de Wicumbe in perpetuam elemosinam possidendam cum omni integritate possessionum fructuum et omnium obventionum et omnium libertatum quas unquam melius et plenius habuit salvo in omnibus iure episcopali Et ne aliquorum machinatione vel malignitate hec nostra donatio possit in posterum in irritum revocari ipsam presenti pagina confirmamus et sigilli nostri munimine roboramus Testibus Roberto archidiacono de Buch Ricardo capellano Roberto de Hardres Oseberto de camera domini regis Radulfo filio Stephani Roald de Kalna